Amós 6:8 - CHUYA QELLQA La Biblia en Quechua de Ayacucho 2012

⁸ Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Quechua Ayacucho Bible 1987

⁸ Llapallan Kamachiq Tayta Diosmi kikinrayku juraspan kaynata nin: Israel runakunapa hatun tukusqantam millakuni. Paykunapa palacionkunatam cheqnini. Samaria llaqtatam tukuy imantinta enemigonman qoykusaq.

Chuya Qellqa 1992

⁸ Tukuy Atiyniyuq Tayta Diosmi kikinrayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq.

Amós 6:8 Iomraidhean Croise

Génesis 22:16

hinaspam nimurqa: “Sapallan churikitapas ofrecewanaykipaq mana negakusqaykimantam kikiyrayku jurani.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Isaías 28:1

¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Jeremías 12:8

Llaqtaymi monte león hinaña rikurirun, ñoqapa contraypim qaparin, chayraykum cheqnipakuruni.

Jeremías 22:14

Qamqa ninkiraqmi: Hatun palaciotam ruwarachikusaq, altosninpi hatu-hatun corredorniyuqta, hatun ventanayuqkunata; perqankunatapas Cedro tablakunawanmi tableachisaq, hinaspaymi pukawan pintachisaq, nisparaq.

Jeremías 22:5

Kay nisqaykunata mana kasukuptikichikqa, kay palaciom tuñichisqa kanqa. Ñoqa Tayta Diosmi chaynata nini.

Jeremías 44:26

Chaynaqa, Egipto nacionpi yachaq Judá nacionniyuq runakuna, ñoqa Tayta Diosmi sutiyrayku juraspay kaynata nini: Kunanmantaqa manañam mayqannikichikpas kay Egipto nacionpiqa sutiyta rimaspa ninkichikñachu: “Israelpa yupaychasqan Tayta Diosraykum jurani”, nispaykichiqa.

Jeremías 49:13

Ñoqa Tayta Diosmi kikiyrayku juraspay kaynata nini: Cheqaptapunipas Bosra llaqtaqa purmachisqa, chunnichisqa, burlakusqa hinaspa ñakasqam kanqa. Wakiq llaqtankunapas wiñaypaq purmachisqam kanqa.

Jeremías 51:14

Tukuy Atiyniyuq Tayta Diosmi kikinrayku juraspan kaynata nin: Enemigoykikunawanmi aqaruway urukunawan hinaraq inturachisqayki, paykunam vencesusqaykita hatunmanta qaparinqaku, nispa.

Lamentaciones 2:5

Señorqa enemigo hinam ruwarun: Israeltam palacionkunatawan lliwta tuñirachirqa, muyuriqninpi murallankunatam purmarachirqa. Kuyayllapaq Judá naciontam ñakarichispan waqachirqa.

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Oseas 11:6

Llaqtaykikunapas guerrapa tukusqanmi kanqa, runaykikunatapas enemigoykikunam wañuchinqa, mana allin tanteasqaykikunapas chaypim tukunqa.

Levítico 26:11

Qamkunawan yachaspaymi manaña qepanchasqaykichikñachu.

Levítico 26:30

Idoloykichikkunapa capi-llankunatapas tuñirachisaqmi, incienso kañana altarnikichikkunatapas paki-parusaqmi, ayaykichiktapas idoloykichikkunapa hawanmanmi montorusaq.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 3:11

Chayraykum Tayta Dios kaynata nin: Enemigoykikunam hamunqa kay pachapa muyuriqninmanta; hinaptinmi muyuriqnikipi harkasuqniki perqakuna tuñichisqa kaptin, palacioykipi tukuy ima taqesqaykipas suwasqa kanqa, nispa.

Amós 4:2

Tayta Diosmi chuya kayninrayku kaynata jurarqa: Hamuchkanmi tiempo senqaykichikmanta ganchowan watuchaspa aysasqa kanaykichikpaq, miraynikichikpas anzuelowan challwa hapisqa hina apasqa kanankupaq.

Amós 5:21

Cheqninim, millakunim yupaychawanaykichikpaq fiestaykichiktapas, hatun huñunakuykuna ruwasqaykichiktapas manam munanichu.

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Amós 8:7

Tayta Diosmi Jacobpa hatun kayninrayku juraspan nin: Tukuy ima ruwasqankutaqa manam haykapipas qonqasaqchu, nispan.

Zacarías 11:8

Hinaspam huk killallapi kimsa michiqkunata qarqorurqani. Paykunaqa llumpaytañam cheqniruwarqaku, ñoqapas paqwaytañam paykunata amirurqani.

Deuteronomio 32:19

Chayta rikuspanmi Tayta Dios sinchita piñakururqa, piñakuruspanmi qaritapas warmitapas churinkunata qepanchakururqa.