Amós 6:7 - CHUYA QELLQA La Biblia en Quechua de Ayacucho 2012

⁷ Chayraykum kunan preso apaqkunapas qamkunamanta qallarispa presochasunkichik; chaynapim hawkallaña samakuspa upyakuynikichikwan mikukuynikichikpas tukunqa, nispa.

Quechua Ayacucho Bible 1987

⁷ Puntatam preso pusasqa kankichik qamkunaqa. Fiestakunapi bulla rurasqaykichikmi tukurunqa.

Chuya Qellqa 1992

⁷ Chayraykum kunan preso apaqkunapas qamkunamanta qallarispa presochasunkichik; chaynapim hawkallaña samakuspa upyakuynikichikwan mikukuynikichikpas tukunqa.

Amós 6:7 Iomraidhean Croise

Ester 5:8

Reynilláy, kuyapayawaspaykiqa hinas-pa kay mañakusqayta allinpaq hapispaykiqa, paqarinyá Amanwan kuska huktawan convido ruwachisqayman hamuychik, ima mañakuyniytapas paqarinñam nisqayki, nispa.

Isaías 21:4

Muspaypi hinam rikuriruni, mancharikuymantam katkatatachkani, kusikuyllawanña tutaykunanta suyasqay tiempom manchakuypaqña rikurirun.

Isaías 24:8

Tamborwan kusikuyninkum qollurun, kusikuyllapiña chaqwakuyninkum tukurun, arpakunapa miskillaña waqayninmi upallarun.

Daniel 5:30

Chay tutallam Caldeapa reynin Belsasarta wañurachirqaku.

Amós 4:3

Perqa uchkunkunatam chulla-chullamanta lluptinkichik, yachanaykichik wasimantam Hermón orqoman wischusqa kankichik. Tayta Diosmi chaynata nin.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Amós 5:5

Amaña idolokunata Bet-elpi maskaychikñachu, amaña Gilgalmanpas yaykuychikñachu, nitaq Beersebamanpas riychikñachu. Gilgalqa presochaspa apasqam kanqa Bet-elñataqmi purmachisqa kanqa.

Amós 7:11

Amosmi nichkan: “Jeroboammi espadapi wañunqa, Israelñataqmi karu llaqtaman preso apasqa kanqa”, nispan.

Amós 7:17

Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 28:41

Churikikuna kaqpas manam qanwanchu yachanqaku, huklaw nacionkunamanmi preso apasqa kanqaku.