Amós 6:6 - CHUYA QELLQA La Biblia en Quechua de Ayacucho 2012

⁶ Hatun vasokunapim vinota upyakunkichik, suma-sumaq perfumekunawanraqmi llusikunkichik, ichaqa manam llakikunkichikpaschu Joseypa ñakariyninmantaqa.

Quechua Ayacucho Bible 1987

⁶ Hatun vasokunapim vinota upyakunkichik. Suma-sumaq perfumekunawanmi llusikunkichik. Israel nacion purmachisqa kananmantam mana imapas qokusunkichikchu.

Chuya Qellqa 1992

⁶ Hatun vasokunapim vinota upyakunkichik, suma-sumaq perfumekunawanraqmi llusikunkichik, ichaqa manam llakikunkichikpaschu Joseypa ñakariyninmantaqa.

Amós 6:6 Iomraidhean Croise

Génesis 49:22

Joseyqa yakupa patanpi rurusapallaña sacham, kallmankunapas perqapa hawantam mastarikun.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Isaías 28:1

¡Ay, Samaria llaqta imaynaraq kanqa! coronanmanta hina Efrainpa alabakunan llaqta, sinkakunapa kanan llaqta, sumaq wayta chakirusqa hina llaqta, tukuy imapa wiñanan qechwapa hanayninpi tarikuq llaqta, vinoman qokuruq runakunapa kanan llaqta.

Isaías 5:12

Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Ezequiel 9:4

hinaspanmi nirqa: Jerusalén llaqtapa chawpinkunata muyurimuy hinaspa llaqtapi millakuypaq kaqkuna ruwasqankuta qawaspa llakikuymanta waqaqkunapa urkunpi huk señalta churamuy, nispa.

Oseas 3:1

Tayta Diosmi yapamanta niwarqa: Hukwan waqllikuruq kachkaptinpas warmikita yapamanta kuyamuy. Chaynatam Tayta Diospas Israelpa mirayninkunata kuyan, idolokunata qatispanku chaykunaman uvas pasaskunata, tortilla ofrendakunata ofrecechkaptinkupas, nispa.

Amós 2:8

Wakchakunapa mana pagayta atispa prenda saqesqanku pachakunapim, altarkunapa waqtanpi chuchumika warmiwan qanrakunku, mana kaqmanta multata cobrasqanku qollqewan vinota rantiykuspam, diosninkuta yupaychananku wasipi machakunku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Juan 12:3

Mariañataqmi achka precioyuq nardomanta ruwasqa perfumeta yaqa huk botellata aparamuspa Jesuspa chakinman talliykuspan chukchanwan chakichirqa. Chaymi wasi huntata miskillataña asnarirqa.

Romanos 12:15

Kusikuqkunawan kusikuychik, waqaq-kunawan waqaychik.

1~Corintios 12:26

Cuerpopa hukkaqnin parten ñakariptinqa wakiqninkupas ñakarintaqmi, huknin parten allin kuyasqa kaptinqa llapallantaqmi kusikunku.

1~Timoteo 5:23

Wiksa nanaynikiraykuyá hinaspa sapa kuti onqosqaykiraykuyá ama yakullatañachu tomay, aswanqa as vinotawanyá tomay.