Amós 6:14 - CHUYA QELLQA La Biblia en Quechua de Ayacucho 2012

¹⁴ Chaynaqa, Israel runakuna, Tukuy Atiyniyuq Tayta Diosmi kaynata nin: Huk naciontam qamkunapa contraykichikpi hatarichisaq, norte lawpi Hamat llaqtamanta qallaykuspa sur lawpi Arabá mayukama ñakarichisunaykichikpaq, nispa.

Quechua Ayacucho Bible 1987

¹⁴ Chaynaqa Israel castakuna, kaytayá yachaychik: Llapallan Kamachiq Tayta Diosmi kaynata nin: Huklaw nacionniyoq runakunatam pusamusaq Hamat Qasamanta qallarispa Araba Mayukama ñakarichisunaykichikpaq.

Chuya Qellqa 1992

¹⁴ Chaynaqa, Israel runakuna, Tukuy Atiyniyuq Tayta Diosmi kaynata nin: Huk naciontam qamkunapa contraykichikpi hatarichisaq, norte lawpi Hamat llaqtamanta qallaykuspa sur lawpi Arabá mayukama ñakarichisunaykichikpaq, nispa.

Amós 6:14 Iomraidhean Croise

1~Reyes 8:65

Chay punchawpim rey Salomón llapallan Israelpa mirayninkunawan Tayta Diospa qayllanpi qanchis punchawpuni hatun fiestata ruwarqaku, hinaspam qanchis punchawtawanraq ruwarqaku. Chaynapim chunka tawayuq punchaw hatun fiestata ruwarqaku. Chaypaqmi Israelpa mirayninkuna hamurqaku Hamat llaqtaman yaykuna qasamanta qallaykuspa Egipto wayqokama.

2~Reyes 14:25

Jeroboammi Israelpa linderonkunata kutirachikurqa Hamat lawman yaykuna qasamanta qallarispa Arabá law qochakama. Chaynataqa ruwarqa Amitaipa churin profeta Jonasnintakama Israelpa yupaychasqan Tayta Diospa nisqanman hinam. Jonasqa karqa Gat-hefer llaqtapi yachaq profetam.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 17:6

Isqon wataña rey Oseas munaychakuchkaptinmi, Asiria nacionpa reyninqa Samaria llaqtata venceruspan Israel runakunata presocharuspan Asiria nacionman aparqa, hinaspam Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapi churarqa, chaypiña yachanankupaq.

Isaías 7:20

Chay punchawpim Tayta Dios, Eufrates mayupa waklawninkunapi yachaq Asiria tropakunata, alkilasqan navajapaq hapiykuspan, Israel llaqtata rutunqa. Rutunqataqmi umankutapas, barbankutapas chaynallataq penqayninkupi pelokunatapas.

Ezequiel 47:20

Intipa seqaykunan lawpi linderonñataqmi Egipto nacionwan tupanakuqpi qallarispa Mediterráneo lamar qochapa patanta Hamat llaqtapa patankama chayanqa.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Amós 3:11

Chayraykum Tayta Dios kaynata nin: Enemigoykikunam hamunqa kay pachapa muyuriqninmanta; hinaptinmi muyuriqnikipi harkasuqniki perqakuna tuñichisqa kaptin, palacioykipi tukuy ima taqesqaykipas suwasqa kanqa, nispa.