Amós 6:13 - CHUYA QELLQA La Biblia en Quechua de Ayacucho 2012

¹³ Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Quechua Ayacucho Bible 1987

¹³ Lo-debar llaqta vencerusqaykichikmantam kusikunkichik. Kallpallanchikwanmi Carnaim llaqtata vencerurqanchik, nispam ninkichik.

Chuya Qellqa 1992

¹³ Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Amós 6:13 Iomraidhean Croise

2~Reyes 13:25

Hazaelmi guerrata ruwaspan rey Joaspa taytan Joacazmanta llaqtakunata qechururqa. Rey Joasqa kaqllamanta chay llaqtakunata kutiykachikurqa. Ben-adadta rey Joás kimsakama venceruspanmi Israelman llaqtakunata kutiykachirqa.

2~Reyes 14:25

Jeroboammi Israelpa linderonkunata kutirachikurqa Hamat lawman yaykuna qasamanta qallarispa Arabá law qochakama. Chaynataqa ruwarqa Amitaipa churin profeta Jonasnintakama Israelpa yupaychasqan Tayta Diospa nisqanman hinam. Jonasqa karqa Gat-hefer llaqtapi yachaq profetam.

Jobwan Sutichasqa Libro 31:25

Manam llumpay apu kayniypichu kusikurqani, nitaqmi llumpay qollqe ganasqaypichu kusikurqani.

Jobwan Sutichasqa Libro 31:29

Cheqniwaqniyña llakipi tarikuptinpas manam kusikurqanichu, ima mana allinña pasaruptinpas manam kusipayarqanichu.

Jobwan Sutichasqa Libro 8:14

Paypa suyakuyninqa qaytu hina tipiruqllam, paypa hapipakuyninqa arañapa llikan hinallam.

Jobwan Sutichasqa Libro 8:15

Chay qaytuman hapipakuptinqa tipirunqam, chay llikaman hapipakuptinpas manam takyachinqachu.

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Isaías 7:1

Uziaspa willkan hinaspa Jotampa churin rey Acaz Judá nacionpi munaychakuchkaptinmi Siria nacionpa reynin Rezinwan Israel nacionpa reynin Remaliaspa churin Peka, Jerusalén llaqtata atacarqaku, ichaqa manam venceyta atirqakuchu.

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Isaías 8:6

Siria nacionpa reynin Rezinwan kusikuspanku, Remaliaspa churin rey Pekawan kusikuspanku, qasillalla kallpaq Siloé yakuta kay runakuna wischupakusqankuraykum,

Jeremías 50:11

Caldea nacionpi runakuna, maynatam kusikurqankichik, kusikuyllawanñam llaqtayta purmachirqankichik, llullu pastowan saksaruq vaquilla hinam pawaykacharqankichik, caballokuna hinam weqeqeqerqankichik.

Jeremías 9:23

Tayta Diosmi kaynata nin: Yachaysapapas, amayá yachaysapa kayninmantaqa alabakuchunchu, allin qaripas, amayá allinnin qari-qari kayninmantaqa alabakuchunchu, apupas, amayá apu kayninmantaqa alabakuchunchu.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Ezequiel 29:9

Purmachisqa kaspam chunninki, chaynapim runaykikunapas Tayta Dios kasqayta yachanqaku. Qanmi nirqanki: “Nilo mayuqa ñoqapam, ñoqam unancharqani”, nispayki.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Jonás 4:6

Tayta Diosñataqmi higuerilla plantata wiña-rachirqa, chaynapi Jonasta umallantapas llantuykunanpaq hinaspa mana allin kasqanmanta allinyaykachinanpaq. Chaymi Jonasqa chay plantawan llum-payta kusikurqa.

Sofonías 3:11

Kuyasqay llaqtalláy, chay punchawpiqa manañam penqakunkiñachu mana allinkunata ruwaspa contraypi hatarisqaykimantapas, pay tukuqkunatawan hatun tukuqkunata chawpikimanta chinkarachisqayrayku. Chaynapim sapaqchakusqay orqopiqa manaña haykapipas mastaqa contraypi hatarinkiñachu.

Zacarías 1:19

Chaymi rimapayawaqniy angelta tapurqani: ¿Ima ninantaq kay waqrakunaqa? nispay. Hinaptinmi payñataq niwarqa: Kay waqrakunaqa Judata, Israelta chaynataq Jerusalentapas cheqerachiq atiykunam, nispa.

Juan 16:20

Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.

Santiago 4:16

Qamkunam ichaqa hatun tukuspa kikillaykichikmanta alabakunkichik, chayna hatun tukuyqa manam allinchu.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Jueces 9:27

Chaymantam Siquem llaqtayuqkunaqa chakraman rispanku uvasninkuta pallaruspa vinota ruwarurqaku, hinaspam diosninkupa templonpi fiestata ruwarqaku, chaypim mikuspanku upyaspanku Abimelecta ñakarqaku.

1~Samuel 4:5

Tayta Diospa contrato ruwasqan Arcata campamentoman chayarachimuptinkum, Israelpa tropankuna allpapas kuyurinankama kusikuymanta qaparirqaku.