Amós 6:1 - CHUYA QELLQA La Biblia en Quechua de Ayacucho 2012

¹ ¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Quechua Ayacucho Bible 1987

¹ ¡Ay, imaynaraq kankichik Jerusalenpi kusikuyllapiña kawsakuqkuna! ¡Ay, imaynaraq kankichik Samaria llaqtapi hawkalla *f**yachakuqkuna! Qamkunaqa ancha reqsisqa jefekunam kankichik. Qamkunamanmi Israel nacionniyoq runakuna hamusunkichik.

Chuya Qellqa 1992

¹ ¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Amós 6:1 Iomraidhean Croise

1~Reyes 16:24

Rey Omrim Semermanta Samaria orqota rantirurqa soqta chunka soqtayuq kilo qollqewan, chaypim huk llaqtata hatarichispan Samariawan suticharqa, chaynataqa suticharqa orqo rantikuqnin Semerpa sutinraykum.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Isaías 33:14

Sión llaqtapi huchasapakunam paqway mancharisqa kachkanku, Diosta mana yupaychaqkunam pasaypaqta katkatataspa ninku: ¿Mayqanninchiktaq rupakuq nina ukupi yachachwan? ¿Mayqanninchiktaq wiña-wiñaypaq rupakuq nina ukupi yachachwan? nispanku.

Jeremías 2:3

Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Jeremías 48:11

Moab nacionniyuq runakunaqa warma kasqankumantaraqmi hawkalla kawsakurqaku, paykunataqa manam haykapipas presotaqa aparqakuchu. Paykunaqa urpupi mana kuyuchisqa vino hinam kachkanku, chayraykum paykunaqa hina kaqlla hawka kakurqaku.

Jeremías 49:31

Ñoqa Tayta Diosmi kamachikichik: Rispaykichik hawkallaña yachakuq llaqtata atacamuychik, punkunkunapas mana cerrojoyuqmi kachkan, paykunaqa sapallankum kachkanku.

Jeremías 5:5

Chaynaqa, yachayniyuqkunawanyá rimamusaq. Paykunaqa yachankum Tayta Diospa munasqanman hina kawsayta. Ichaqa paykunapas Diospa contranpi hoqarikuruspankum mana kasukurqakuchu.

Jeremías 7:4

Kaqmanta-kaqmanta “kaymi Tayta Diospa templonqa” nispa nisuqnikichikkunamanqa amayá hapipakuychikchu.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Amós 9:10

Llaqtaypi huchasapakunam ninku: Manam imapas pasawasunchikchu, nitaqmi ima castigopas chayamuwasunchu, nispanku. Ichaqa paykunam guerrapi wañunqaku.

Miqueas 3:1

Hinaptinmi ñoqañataq kaynata nirqani: Jacobpa mirayninpi munaychakuqkuna, Israelpa mirayninpi kamachikuqkuna, uyariwaychik. ¿Manachum qamkunaqa allinta ruwanaykichikpaq kamachisqa kachkankichik?

Sofonías 1:12

Chay tiempopim mecherota hapiykuspay Jerusalén llaqtata kuchun-kuchun maskaykusaq. Vinopa levaduran hina hawka tiyakuq runakunatam castigasaq. Paykunam sonqonkupi ninku: “Tayta Diosqa allinta otaq mana allintapas manam ruwanqachu”, nispanku.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

Santiago 5:5

Kay pachapi kawsaspaykichikmi aychaykichik kusichiypi, sonqoykichikpa munasqanpi purirqankichik, nakanapaq wirayachisqa ganado hinaraqmi poqorunkichik.

1~Pedro 5:7

Tukuy llakikichiktayá Diosman saqeychik, paymi qamkunamanta nanachikuqqa.

Jueces 18:7

Chaymantam chay pichqa qarikunaqa Lais llaqtaman pasarqaku. Chay llaqtapi yachaq runakunaqa sidoniokunapa costumbrenman hinam hawkalla yachakuqku, chay allpapiqa mana pipapas imanasqanmi hawka kakuqku, chaypiqa manam pipas munaychakurqachu. Paykunaqa Sidón runakunamanta karupi kasqankuraykum mana piwanpas hukllawakuqkuchu.