Amós 5:8 - CHUYA QELLQA La Biblia en Quechua de Ayacucho 2012

⁸ Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Quechua Ayacucho Bible 1987

^8-9 Suchuwan sutichasqa lucerokunata unanchaq Tayta Diosmi, Yutuwan sutichasqa lucerokunata unanchaq Tayta Diosmi manchakuypaq tutayayta achikyarachin. Punchawtam ancha-anchata tutayarachin. Lamar qochata puyuyarachispanmi allpaman parachin. Amparakuna wasikunatam tuñirachin. Allin murallakunatam purmarachin.

Chuya Qellqa 1992

⁸ Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Amós 5:8 Iomraidhean Croise

Jobwan Sutichasqa Libro 12:22

Tutayay ukupi pakasqa kaqkunatam hurqomun, wañuypa tutayaynintapas achkiymanmi hurqomun.

Jobwan Sutichasqa Libro 37:13

Diosmi parata chayachimun: Wakin kutipi llaqtakunata castigananpaq, wakin kutipi allpata parqonanpaq, wakin kutipiñataq kuyakuyninta qawachikunanpaq.

Jobwan Sutichasqa Libro 38:34

¿Yaqachu puyukunata kamachiwaq sinchi parawan tuyturusunaykipaq?

Jobwan Sutichasqa Libro 9:9

Diosmi unancharqa Suwapa Corralnin sutiyuq chaskakunata. Diosmi unancharqa Qalalu sutiyuq chaskakunata. Diosmi unancharqa sur lawpi kaq chaskakunata.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Isaías 59:10

Ñawsa hinam perqakunaman tawnapakuspa purichkanchik, chawpi punchawpipas tutayaypi hinaraqmi mitkakuchkanchik, kallpallanchikpiraq kachkaspapas wañusqa hinañam kachkanchik.

Jeremías 16:21

Chayraykum kunanqa atiyniyuq kasqayta paykunaman reqsichisaq, chaynapim yachanqaku sutiyqa Tayta Dios kasqanta.

Jeremías 33:2

Kay pachata unanchaspa tukuy imankunatapas churaspa takyachiq ñoqa Tayta Diosmi kaynata nini:

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Amós 8:9

Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Amós 9:6

Tayta Diosmi yachananta hanaq pachapi unancharqa, hinaspanmi kay pachapa hawanpi sapincharqa; lamar qochapa yakunta qayaspanmi, kay pachaman chaqchurimun. Tayta Diosmi sutin.

Mateo 4:16

Tutayaypi kawsaq llaqtam hatun achkiyta rikurun, wañuypa llantuyninpi kawsaqkunatam achkiy kanchaykun!” nispa.

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.