Amós 5:7 - CHUYA QELLQA La Biblia en Quechua de Ayacucho 2012

⁷ ¡Ay, imaynaraq kanqaku! Cheqap kaqta ñakariyman tikraqkuna, allin kawsakuyta saruruspa yanqachaqkuna.

Quechua Ayacucho Bible 1987

⁷ ¡Ay, imaynaraq kankichik! Qamkunam allin arreglayta mana allinman tikrarunkichik. Allin kasukuytam yanqacharunkichik.

Chuya Qellqa 1992

⁷ ¡Ay, imaynaraq kanqaku! cheqap kaqta ñakariyman tikraqkuna, allin kawsakuyta saruruspa yanqachaqkuna.

Amós 5:7 Iomraidhean Croise

Proverbios 21:7

Mana allin ruwaq runataqa mana allin ruwayllanmi tuñirachinqa, allin kaqkuna ruwayta mana munasqanrayku.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 46:12

Rumi sonqo runakuna uyariychik, allin ruwaymanta karunchasqakuna uyariychik:

Isaías 5:20

¡Ay, imaynaraq kanqaku! Mana allinta allinmi niqkuna, allintañataq mana allinmi niqkuna, achkiyta tutaman tikraqkuna, tutayaytañataq achkiyman tikraqkuna, qatqetapas miskim niqkuna, miskitañataq qatqem niqkuna.

Isaías 5:7

Tukuy Atiyniyuq Tayta Diospa kuyayllapaq uvas huertanqa Israel runakunawan Judá nacionpi yachaqkunam. Payqa kamachikuynin kasukunankutam munarqa, aswanqa wañuchinakuyllatam tarirun. Paykunataqa allinkuna ruwanankutam munarqa, ichaqa ñakariqkunapa qapariyllantam uyarirun.

Ezequiel 18:24

Sichum allin ruwaq runa chayna allinkuna ruwasqanmanta karunchakuruspan mana allinkunataña ruwanman otaq chay mana allin ruwaq runapa millakuypaq kaqkuna ruwasqantaña ruwanman hinaspa ¿yaqachu chay runa kawsanqa? Ñoqaqa tukuy ima allinkuna ruwasqantapas manam yuyarisaqchu, qepanchawaspan huchallikusqanraykum wañunqa.

Ezequiel 3:20

Sichum pipas allinkunata ruwachkaspan qepancharuwanqa hinaspam mana allintaña ruwaptinqa, ñoqam mitkananpaq trampata churarusaq, hinaptinmi wañurunqa. Ichaqa mana rimapayasqaykiraykum huchanpi wañurunqa. Hinaptinqa tukuy allinkuna ruwasqankunatapas manam qawarisaqchu, ichaqa paypa wañusqanmantam qanmanta cuentata mañasqayki.

Ezequiel 33:18

Sichum allin ruwaq runa allin ruwasqanta saqeruspan huchaman wichiykuspanqa, chay huchanmantam wañunqa.

Oseas 10:4

Paykunaqa yanqa rimaq runakunam kanku, pactota ruwaspapas yanqallam juranku, allinpaq hapispa ruwayninkupas chakrakunapi wiñaq qatqe qorakuna hinam.

Amós 2:3

Chawpinkumanta reyninkuta chinkarachispaymi kamachiqninkunatapas wañurachisaq. Tayta Diosmi chaynata nin.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Habacuc 1:4

Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Sofonías 1:6

Ñoqa Tayta Diosmanta karunchakuruspa mana maskawaqniykunatapas, chaynataq mana tapukuwaqniykunatapas puchukachisaqmi, nispa.

Deuteronomio 29:18

Amam qamkuna ukupiqa kanqachu qaripas, warmipas, aylluykichikpas otaq miraynikichikpas, chay nacionkunapa idolonkuta yupaychaspanku Tayta Diosmanta rakikuqkunaqa. Yanqañataq qamkuna ukupi rikurirunman hayaq otaq qatqe sapiyuq plantakuna hina runakuna.