Amós 5:6 - CHUYA QELLQA La Biblia en Quechua de Ayacucho 2012

⁶ Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Quechua Ayacucho Bible 1987

⁶ Kawsanaykichikpaqyá hamuychik Tayta Diosman. Mana chayqa paymi kachaykamunqa ninata Israel nacionman. Betel llaqtapim mana pipapas wañuchiy atinan kanman.

Chuya Qellqa 1992

⁶ Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Amós 5:6 Iomraidhean Croise

2~Samuel 19:20

Kay serviqnikim huchallikusqayta reqsikuspay kunanpas José casta runakunamanta puntataraq hamurqani qam reynillayta chaskiykunaypaq, nispa.

1~Reyes 11:28

Jeroboamqa kallpasapa allin llamkakuq runam karqa. Salomonmi allin llamkaq kasqanta qawaykuspan José ayllumanta kaq llamkaqkunapa kamachiqninpaq churarurqa.

2~Crónicas 34:25

Ñoqata saqeruwaspankum tukuy rikchaq idolokunamanña inciensota kañarqaku, chaykunata ruwaspankum piñachiwarqaku, chayraykum kay llaqtaman piñakuyniyta kacharimuptiy mana taninqachu, nispa.

Éxodo 22:6

Pipas kichkakunata ninawan kañachkaptin chay nina huñusqa kawsayta otaq sayachkaq kawsaytapas ruparuptinqa, chay nina ratachiqmi kawsaypa dueñonman kañasqanmanta sayachipunqa.

Isaías 1:31

Kallpasapa runapas qopa hinañam rikurirunqa, ruwasqankunapas nina chispa hinañam kanqa, manaña pipas amachaqnin kaptinmi kuskankuña ruparunqa.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Jeremías 38:20

Hinaptinmi Jeremías nirqa: Judá runakunamanqa manam entre-gasunkichu. Tayta Diospa nisqanta ka-sukuspaqa allinmi kanki, vidaykitapas librankim.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Jeremías 7:20

Chayraykum Tukuy Atiyniyuq Tayta Dios kaynata nin: Sinchi piñakuyniytam chayachimusaq, kay allpapa, runakunapa, animalkunapa, sachakunapa, lliw kawsaypa contranpi. Piñakuyniyqa mana amachay atina nina hinam kanqa.

Ezequiel 21:3

Ñoqa Tayta Diospa nisqayta paykunaman kaynata niy: Ñoqaqa qampa contraykipim kachkani, chayraykum vainanmanta espadayta hurqoykuspay, allin ruwaq runakunata chaynataq mana allin ruwaq runakunatapas wañurachisaq.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Ezequiel 37:19

ñoqa Tayta Diospa nisqaytam kaynata ninki: Ñoqam hapisaq Efrainpa makinpi kaq Joseypa kaspinta chaynataq hukllawakuqnin Israelpa mirayninkunatapas, hinaspaymi Judapa kaspinman hukllawaykusaq, iskayninkutam hukllataña ruwasaq, chaynapim makiypi hukllaña kanqaku, nispayki.

Amós 3:14

Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Amós 5:14

Allin kaqtayá kawsanaykichikpaq maskaychik, amayá mana allin kaqtachu. Chaynapi nisqaykichikpi hina Tukuy Atiyniyuq Tayta Dios qamkunawan kananpaq.

Amós 5:4

Tayta Diosmi Israel nacionta nin: Maskawaychik hinaspaqa kawsankichikmi.

Amós 6:6

Hatun vasokunapim vinota upyakunkichik, suma-sumaq perfumekunawanraqmi llusikunkichik, ichaqa manam llakikunkichikpaschu Joseypa ñakariyninmantaqa.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Zacarías 10:6

Judapa mirayninkunatam kallpanchasaq, Joseypa mirayninkunatam salvaykusaq, llakipayasqayraykum paykunata allpankuman kutichimusaq, mana haykapipas qepanchasqay hinam kanqaku. Ñoqa Tayta Dios, Diosninku kasqayraykum mañakuyninkutapas uyariykusaq.

Deuteronomio 32:22

Piñakuyniymi nina hinaraq ruparinqa, uku pachapa ukunkamaraqmi chayarunqa; allpatapas kawsaynintintam tukurunqa, orqokunapa sapintam kañarunqa.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Josué 18:5

Chay allpataqa qanchismanmi rakinankichik. Judá ayllupaqmi sur law kanqa. Joseypa mirayninkunapaqñataqmi norte lawman kanqa.