Amós 5:16 - CHUYA QELLQA La Biblia en Quechua de Ayacucho 2012

¹⁶ Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Quechua Ayacucho Bible 1987

¹⁶ Llapallan Kamachiq Señor Diosmi nin: Tukuy plazakunapim waqanqaku. Tukuy callekunapim “Ay, ay” ninqaku. Chakra runakunatam wañuqmanta waqanankupaq qayamunqaku. Aya taki takiqkunatam pusamunqaku.

Chuya Qellqa 1992

¹⁶ Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Amós 5:16 Iomraidhean Croise

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

Isaías 15:8

Moabtam kuchun-kuchun llakillana inturun, Eglaim llaqtakamam qapariyninku uyarikun, Beer-elim lawkamam qayakuyninku uyarikun.

Isaías 22:12

Chayraykum Tukuy Atiyniyuq Tayta Dios chay punchawpi qayasurqankichik, umaykichikta rutukuruspa luto pachawan pachakuspa waqanaykichikpaq.

Jeremías 30:5

Ñoqa Tayta Diosmi kaynata nini: Manchakuymanta qapariykunam uyarikuchkan, manam hawkayayqa kanñachu, aswanqa manchakuyllañam.

Jeremías 4:31

Nanaywan qapariytam uyarini, chayllaraq wachakuq warmipa nanaywan qapariyninta hina; Sión llaqtapa wawanmi qaparichkan, manañam samatyaytapas atinñachu, makinkunata hoqarispanmi kaynata nichkan: ¡Ay, imallapiraq rikukuni! ¡Wañuchiwaqniykunapa makinpiñam tarikuni! nispa.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Oseas 4:3

Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Joel 1:11

Chakra llamkaqkuna, uvas plantaqkuna, llakikuymanta waqaychik; trigomantawan cebadamanta waqaychik, chakrakunapim cosecha pierderun.

Joel 1:14

Ayunopaq runakunata huñumuychik, Diospa templonman kay nacionpi kamachikuqkunatawan runakunata huñumuychik, hinaspa Tayta Diosta qayakuychik.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 1:8

Runakunam mana upallaykuspa waqachkanku, sipas kayllanpiraq qosan wañukuptin lutokuruq viuda hinam qaparkachachkanku.

Amós 3:13

Tukuy Atiyniyuq Tayta Diosmi kaynata nin: Uyariychik hinaspa Jacob casta runakunapa contranpi rimaychik.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Miqueas 1:8

Hinaptinmi nirqani: Hatun llakikuywanchá waqapakusaq, qala chakillachá purisaq, mana pachayuqchá purisaq, atoqkuna hinachá allwasaq, avestruzkuna hinachá qaparkachasaq.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.

Apocalipsis 18:19

Umankuman allpata machqekuspankum waqayllawanña qayaykachakurqaku: “¡Ay, ay, imaynaraq kanqa kay hatu-hatun llaqtaqa! Lamar qochapi barcokunapa llapallan dueñonkunam apuyarurqaku, chay llaqtapa qori-qollqenwanmi paykunaqa apuyarurqaku, ¡Huk ñawi qemchiyllatam chay llaqtaqa purmarurqa!