Amós 5:15 - CHUYA QELLQA La Biblia en Quechua de Ayacucho 2012

¹⁵ Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Quechua Ayacucho Bible 1987

¹⁵ ¡Allin rurayta kuyaychik, mana allin rurayta cheqniychik! Juzgadopiqa allintayá arreglaychik. Ichapas Llapallan Kamachiq Tayta Diosqa kuyapayarikunman. Israel castakunapa puchuqninmanta kuyapayarikunman.

Chuya Qellqa 1992

¹⁵ Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Amós 5:15 Iomraidhean Croise

2~Samuel 16:12

Ichapas ñakarisqayta qawariwaspa, ñakawasqanpa rantinpi Tayta Dios bendeciykuwanmanraq, nispa.

1~Reyes 20:31

Hinaptinmi rey Ben-adadta yanapaqninkuna nirqaku: Uyarirqanikum Israel nacionpi reykunaqa kuyapayakuq kasqankuta, chaynaqa kunanyá qachqa pachawan churakuspa kunkanchikmanpas waskata watakuruspa Israel nacionpa reyninman risunchik, icharaqpas kawsachisunkiman, nispanku.

2~Reyes 13:7

Siria nacionpa reynin chinkarachispan ñutu allpata hinaña ruwaruptinmi, rey Joacazpa soldadonkunamantaqa puchururqa caballopi sillakuqkunamanta pichqa chunka runakunawan guerrapaq chunka carretakuna hinaspa chakiwan riqkunamanta chunka waranqa soldadokunallaña.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

2~Reyes 19:4

Ichapas Tayta Dios uyarirqa chay kamachikuqpa rimasqankunata. Paytam Asiria nacionpa reynin kachamurqa kawsaq Diosta kaminanpaq, allinchá kanman chay rimasqankunamanta Tayta Dios puchukachiptinqa. Chaynaqa, Diostayá mañakuy puchuq kaqkunapaq, nispanku.

Éxodo 32:30

Paqarinnintin punchawmi runakunata Moisés nirqa: Qamkunam hatunta huchallikurunkichik, kunanmi Tayta Diospa kasqanman ñoqa kutisaq, icharaqpas mañakuptiy pampachaykusunkichikman, nispa.

Jeremías 18:8

Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 31:7

Tayta Diosmi kaynata nin: Jacobpa mirayninkunaraykuyá kusikuywan takiychik, nacionkunapa umanpaqyá kusikuymanta qapariychik. Qapariyllawanña alabaspa kaynata niychik: ¡Tayta Diosmi llaqtanta salvaykun, Israelmanta puchuqkunatam salvaykun! nispaykichik.

Ezequiel 45:9

Ñoqa Tayta Diosmi kaynata nini: Israel nacionpi kamachikuqkuna, amaña llaqtayta ñakarichiychikchu, nitaq allpankutapas qechuychikchu. Qamkunaqa ama pimanpas sayapakuspa allin arreglota ruwaychik. Amaña llaqtaypa allpanta suwakuychikchu. Ñoqa Tayta Diosmi chaynata nini.

Daniel 2:49

Chaymantam reyta Daniel mañakurqa Sadracpaq, Mesacpaq hinaspa Abed-negopaq, hinaptinmi paykunata Babilonia lawpi kamachikuqkuna kanankupaq rey churarqa; Danielñataqmi reypa palacionpi qeparqa.

Joel 2:14

Icharaqpas llakipayaykususpaykichik bendeciykusunkichikmanraq, chaynapi vinotawan kawsaykunata Tayta Diosman ofrecenaykichikpaq.

Amós 5:10

Paykunaqa llaqtapa punkunpi “allinta kawsaychik” niqninkutam cheqnirurqaku, cheqap kaqkuna rimaqtam qepancharurqaku.

Amós 5:24

Allin juzgasqaykichikpas kallpachkaq mayu hinayá kachun. Justicia ruwasqaykichikpas mana chakiq pukyu hinayá kachun.

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Amós 7:3

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Jonás 1:6

Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Miqueas 2:12

Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Miqueas 3:2

Qamkunam ichaqa allin ruwayta cheqnispa mana allin ruwayta kuyankichik, ovejata hinaraqmi llaqtaytapas tulluntawan qarallantaña ruwarunkichik.

Miqueas 5:3

Ichaqa wiksayuq warmipa wachakunankamam runankunata Tayta Dios saqeykunqa, chaymantañam Israelpa mirayninkuna, karupi tarikuqkuna, hinapi kaq wawqenkunaman hukllawakunqaku.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Malaquías 3:18

Hinap-tinmi yachankichik pim allin ruwaq kasqanta chaynataq pim mana allin ruwaq kasqantapas, pim Diosta yupaychaq kasqantapas chaynataq pim Diosta mana yupaychaq kasqantapas, nispa.

Romanos 12:9

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

Romanos 7:22

Sonqoypiqa Diospa ley-ninpim kusikuni;

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.