Amós 5:14 - CHUYA QELLQA La Biblia en Quechua de Ayacucho 2012

¹⁴ Allin kaqtayá kawsanaykichikpaq maskaychik, amayá mana allin kaqtachu. Chaynapi nisqaykichikpi hina Tukuy Atiyniyuq Tayta Dios qamkunawan kananpaq.

Quechua Ayacucho Bible 1987

¹⁴ Allin kaqtayá qamkunaqa ruraychik. Kawsanaykichikpaqa amayá mana allintachu ruraychik. Chaynata ruraptikichikqa: “Llapallan Kamachiq Tayta Diosmi ñoqaykuwan kachkan” nispa nisqaykichikpas cheqapmi kanqa.

Chuya Qellqa 1992

¹⁴ Allin kaqtayá kawsanaykichikpaq maskaychik, amayá mana allin kaqtachu. Chaynapi nisqaykichikpi hina Tukuy Atiyniyuq Tayta Dios qamkunawan kananpaq.

Amós 5:14 Iomraidhean Croise

Génesis 39:23

Carcelpi kamachikuqmi Joseyman kunaykusqan punchawmanta manaña preocupakurqañachu Joseywan Dios kasqanrayku. Tayta Dios yanapaptinmi tukuy ima ruwasqanpas allin karqa.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Proverbios 11:27

Allin kaqkunata maskaq runaqa yanapakuytam tarinqa, mana allinta maskaq runatam ichaqa mana allin hayparunqa.

Isaías 55:2

¿Imapaqtaq mana mikunaykichik kaqkunapi qollqekichikta tukunkichik? ¿Imapaqtaq mana saksanaykichik kaqkunapi llamkasqaykichikta usuchinkichik? Allinta uyariwaychik hinaspaqa allinnintam mikunkichik, miski mikuykunata mikuptikichikmi sonqoykichikpas kusikunqa.

Isaías 8:10

Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Amós 3:3

¿Yaqachu iskay runakuna kuska purinmanku imapipas mana huk sonqolla kachkaspanku?

Amós 5:6

Tayta Diosman kutirikamuychik kawsanaykichikpaq. Yanqañataq nina hina wichiykamuspay Joseypa mirayninkunata ruparuyman, Bet-elpi manaña pipas wañuchiy atinankama.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Números 16:3

Paykunam huñunakuruspanku Moisespa hinaspa Aaronpa contranpi kaynata nirqaku: ¡Qamkunapa munaychakuynikichikqa kaykamallayá kachun! Diosqa kay runakunataqa llapallantam sapaqcharqa, Tayta Diospas llapanchikwanmi kachkan. ¿Chaynaqa, imanasqataq qamkunalla Tayta Diospa llaqtanpi munaychakuchkankichik? nispanku.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

2~Timoteo 4:22

Señorninchik Jesucristoyá qanwan kachun, Diosninchikyá kuyakuyninta qamkunaman chaqchurimuchun. Amén.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.