Amós 5:12 - CHUYA QELLQA La Biblia en Quechua de Ayacucho 2012

¹² Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Quechua Ayacucho Bible 1987

¹² Mana kasukusqaykichikkunatam yachani. Tukuy rikchaq huchaykichikkunatam qawani. Allin runakunapa contranpim sayarinkichik. Juzgadopi wakchakuna pierdenankupaqmi qollqeta chaskinkichik.

Chuya Qellqa 1992

¹² Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 5:12 Iomraidhean Croise

Jobwan Sutichasqa Libro 20:19

Payqa wakchakunata ñakarichispam saqerurqa, hukpa wasinkunatam hapikuykurqa.

Jobwan Sutichasqa Libro 31:21

Juezkunawan reqsinakusqayraykuqa mana tayta-mamayuqpa contranpiqa manam hoqarikurqanichu.

Éxodo 23:3

wakchaña kaptinpas amam sayapakunkichu.

Éxodo 23:6

Wakcha runa quejapi kaptinqa allin arreglotam ruwaykunki.

Proverbios 17:8

Sobornoman amañasqa runapaqqa soborno chaskiypas hampi hinaraqmi, chayna runaqa mayman risqanpipas allinraqmi lloqsin.

Proverbios 22:22

Wakchataqa wakcha kasqanraykuyá ama imantapas qechuychu, mana piniyuq runatapas amayá juezpa qayllanpiqa ñakarichiychu.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Isaías 33:15

Isaiasñataqmi nirqa: Allinkunata ruwaspa cheqap rimaqmi, engañowan qollqe ganayta mana munaqmi, sobornota mana chaskikuy munaqmi, runa wañuchiqkunapa consejasqanta mana uyariqmi, mana allinkunata mana qawaq munaqmi,

Isaías 47:9

Layqaña kaptikipas, qatipaqña kaptikipas, qonqaytam huk punchawllapi kay iskay llaki chayamusunki: Viudayaspam mana wawayuqña rikurirunki.

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Isaías 66:18

Ñoqaqa yachanim mana allinkuna ruwasqankuta, hinaspa yuyaymanasqankutapas. Chayraykum hamuspay llapa nacionkunata huñusaq, tukuy rikchaq rimayniyuq runakunatam huñusaq, paykunam hamuspa atiyniyta qawanqaku.

Jeremías 29:23

Paykunam Israel nacionpi millakuypaq huchakunata ruwarqaku: Runamasinkupa warminwanmi waqllikurqaku, mana kamachichkaptiymi ñoqapa sutiypiraq llullakunata profetizarqaku, ñoqapa mana kamachisqaykunatam rimarqaku. Chaykunataqa yachanim kikiypunim testigo kani. Ñoqa Tayta Diosmi chaynata nini.

Lamentaciones 3:34

Kay pachapi carcelasqa runakunata sarutyachkaq hina ñakarichiqtaqa,

Ezequiel 13:22

Mana llakichichkaptiypas qamkunam ichaqa llullakuynikichikwan allin ruwaq runakunata llakichirqanchik, mana allin ruwaqkunatañataqmi aswanraq mana allinkunata ruwanankupaq kallpancharqankichik, chaynapi castigoymanta mana salvakunankupaq.

Oseas 5:3

Efraintaqa reqsinim, Israelpa mirayninkunaqa manam pakasqachu. Efraín, chuchumika hinañam kawsachkanki huchapakuyllapim kachkanki; Israelpas anchatam huchallikurun.

Amós 2:16

Mana imata manchakuq runapas chay punchawqa qalallam lluptinqa. Tayta Diosmi chaynata nin.

Amós 2:3

Chawpinkumanta reyninkuta chinkarachispaymi kamachiqninkunatapas wañurachisaq. Tayta Diosmi chaynata nin.

Amós 5:10

Paykunaqa llaqtapa punkunpi “allinta kawsaychik” niqninkutam cheqnirurqaku, cheqap kaqkuna rimaqtam qepancharurqaku.

Amós 5:7

¡Ay, imaynaraq kanqaku! Cheqap kaqta ñakariyman tikraqkuna, allin kawsakuyta saruruspa yanqachaqkuna.

Amós 8:4

Mana piniyuqkunata ñakarichispa wakchakunata tuñichiqkuna kayta uyariychik.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Deuteronomio 16:18

Señornikichik Tayta Diospa sapa aylluman qosunaykichik llaqtakunapim juezkunatawan kamachikuqkunata churankichik, chaynapi runakunapa quejanta arreglanankupaq.

Deuteronomio 31:21

Chay hatun sasachakuykunapi chaynataq ñakariykunapi kaptinkum kay taki testigo kanqa, chaynapi mirayninkupas mana qonqanankupaq. Ñoqaqa yachaniñam qonaypaq jurasqay allpaman manaraq yaykuchkaspa imam tanteasqankutapas, nispa.

Santiago 5:4

Cosechaykichikpi llamkaqkunamanmi mana pagarqankichikchu, chaymi paykunapa qayakusqanta Tukuy Atiyniyuq Señor uyarirun. Chay mana pagasqaykichik qollqem Diospa qayllanpi acusasunkichik.

Santiago 5:6

Qamkunam mana huchayuq runakunata acusaspaykichik mana harkakuy atichkaqta wañuchirqankichik.

Rutwan Sutichasqa Libro 4:1

Boozmi llaqtapa punkunpi arreglo ruwaqkunapa tiyananpi tiyaykurqa, hinachkaptinmi Rutman Boozpa “kachkanraqmi aswan hichpa aylluyki”, nisqan runa pasachkarqa. Payta qayaykuspanmi Booz nirqa: Hamuspayá kaypi tiyaykuy, nispa. Chaymi pay asuykuspa tiyaykuptin

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.