Amós 5:1 - CHUYA QELLQA La Biblia en Quechua de Ayacucho 2012

¹ Israel runakuna uyariychik, llaki simikuna rimarisqayta.

Quechua Ayacucho Bible 1987

¹ Israel castakuna, uyariychik. Aya taki takipusqaytayá uyariychik.

Chuya Qellqa 1992

¹ Israel runakuna uyariychik, llaki simikuna rimarisqayta.

Amós 5:1 Iomraidhean Croise

Jeremías 18:13

Chayraykum ñoqa Tayta Dios kaynata nini: Nacionkunapiyá tapukamuychik, ¿yaqachu pipas chaykunata uyarinman karqa? Israel runakunam manchakuypaq kaqkunata ruwarunku.

Jeremías 7:29

¡Jerusalén llaqta, chukchaykita rutukuspa wischuy, chunniq orqokunapi waqamuy! Tayta Diosmi runaykikunapaq piñasqa kachkan, miraynikikunatam qepancharuspa saqerun.

Jeremías 9:10

Orqokunapi, chunniqkunapi waqachiptiymi, waqasqaykichik uyarikunqa. Pastokunapa kananmi mana imayuq qepanqa, manañam pipas chaynintaqa purinqañachu, animalkunapa qapariyninpas manañam uyarikunqañachu; alton pawaq animalkunawan purun animalkunapas pasaypaqtam chinkarunqaku.

Jeremías 9:17

Tukuy Atiyniyuq Tayta Diosmi kaynata nin: Yaw, runakuna, aya takita yachaq warmikunata qayamuychik, chaypaq hina allinta takiy yachaq warmikunata qayachimuychik, nispa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Jeremías 9:9

Chaykuna ruwasqankumantaqa ¿manachu paykunata castigasaq? Chayna ruwasqankumantaqa ¿manachu paykunata vengakusaq? Ñoqa Tayta Diosmi chaynata nini.

Ezequiel 19:1

Ezequiel, Israel nacionpi kamachikuqkunamanta kay aya takita takiy:

Ezequiel 19:14

Kikinpa kallmanmanta nina lloqsispam ikllipankunatawan rurunkunatapas ruparun, kallmankunapas manañam kanñachu reypa varan ruwanankupaqpas. Kayqa aya takim, llakipi kaspa takinankupaqmi kanqa.

Ezequiel 26:17

Chayraykum kay aya takita qampaq takinqaku: “Ancha reqsisqa Tiro llaqta, lamar qocha patanpi runakunapa yachanan llaqta, tuñichisqam rikurirunki, lamar qochapa patanmantam chinkarunki, qamqa runaykikunawanmi lamar qochapa patanpi atiyniyuq karqanki, muyuriqnikipi nacionkunapa manchakunanmi karqanki.

Ezequiel 27:2

Runapa churin, qamyá Tiro llaqtapaq aya takita takiy.

Ezequiel 28:12

Runapa churin, qamyá ñoqa Tayta Diospa nisqayman hina kay aya takita Tiro llaqtapa reyninman kaynata niy: Qamqa suma-sumaqmi karqanki, llumpay yachaypa huntasqanmi karqanki, ancha kuyayllapaqmi karqanki.

Ezequiel 32:16

Kay aya takitam huklaw nacionniyuq warmikuna takinqaku. Egipto nacionmanta hinaspa chaypi nana-nanaq yachaqkunamantam chaynataqa takinqaku. Ñoqa Tayta Diosmi chaynata nini.

Ezequiel 32:2

Runapa churin, Egipto nacionpa reynin Faraonmanyá kay aya takita takipuy: Qamqa nacionkunapi leonmanmi rikchakunki, lamar qochapi manchakuypaq hatun animalmanmi rikchakunki, mayuykikunapim challpuqyanki, yakukunatapas chakikiwanmi putkayachinki, mayukunatapas mitullatañam ruwarunki, nispa.

Amós 3:1

Israelpa mirayninkuna uyariychik Tayta Diospa imam nisqanta. Egiptomanta hurqomusqan runakunapa contranpim kaynata nin:

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:16

Tukuy Atiyniyuq Tayta Diosmi kaynata nin: Llapa plazakunapim waqanqaku, callekunapim qaparkachanqaku. Chakrapi llamkaqkunatam waqanankupaq qayamunqaku, waqapakuspa ganakuqkunatam waqanankupaq pusamunqaku.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Miqueas 2:4

Chay punchawkunapim qamkunata asipayaspa kaynata takipayasunkichik: “Pasaypaq tuñichisqam rikurirunchik, Diosninchikpa munaychakunan llaqtanchikmi mana pipa nanachikusqan hukpa makinman chayarun, chakranchikunatapas enemigonchikunam partenakurun”, nispanku.