Amós 4:9 - CHUYA QELLQA La Biblia en Quechua de Ayacucho 2012

⁹ Wayrawan utuskuruwanmi uvasnikichiktawan huertaykichiktapas tukurqa, higos plantaykichiktawan olivos sachaykichiktapas aqaruwaymi tukurqa, ichaqa manam ñoqaman kutirikamurqankichikchu. Tayta Diosmi chaynata nin.

Quechua Ayacucho Bible 1987

⁹ Qamkunatam castigarqaykichik polvilla onqoykunawan. Qamkunatam castigarqaykichik puka punchu plagakunawan. Huertaykichiktawan uvas plantaykichiktam chakirachirqani. Higostawan aceituna sachaykichiktam taksa aqarwaywan mikurachirqani. Chaywanpas manamá ñoqaman kutimuytaqa munarqankichikchu. Chaynatam Tayta Dios nin.

Chuya Qellqa 1992

⁹ Wayrawan utuskuruwanmi uvasnikichiktawan huertaykichiktapas tukurqa, higos plantaykichiktawan olivos sachaykichiktapas aqaruwaymi tukurqa, ichaqa manam ñoqaman kutirikamurqankichikchu. Tayta Diosmi chaynata nin.

Amós 4:9 Iomraidhean Croise

1~Reyes 8:37

Sichum nacionpi yarqaypas, peste onqoypas, sinchi rupaywan kawsay-kuna chakiptinpas, ismuptinpas, atu-paruptinpas, aqaruwaywan puyu tu-kuptinpas, nacionniykuta enemigo muyuruspa atacamuptinpas, huk rikchaq onqoykunapas otaq sasachakuykuna hamuptinpas,

2~Crónicas 6:28

Sichum kay nacionpi yarqayña, peste onqoyña karuptinpas, kawsaykuna rupaywan chakiptinpas, atupa onqoywan ismuptinpas, aqaruwaywan piki-piki tukuptinpas, nacionniykuta enemigo muyuruptinpas, onqoykunawan sasachakuykunaña hamuptinpas,

Isaías 1:5

¿Imanasqataq ñakarichinaytaraq munankichik? ¿Hinallaraqchu mana kasukuq kankichik? Tukuy umaykichikpi heridayuqmi kachkankichik, sonqoykichikpas nanay-nanaymi kachkan.

Isaías 50:11

Ninata ratachiqkuna, chay ninawan achkikuqkuna: Chay ninapa achkiyninpi puriychik. Ñoqa Diosmantam kaykuna hamusunkichik, ñakariypa pampasqanmi kankichik.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Oseas 11:5

Paykunam ichaqa ñoqaman kutirikamuwayta mana munarqakuchu, chayraykum kaqllamanta Egiptopi esclavo kamunqaku, Asiria nacionpas paykunapim munaychakunqa.

Joel 1:4

Aqaruwaypa puchusqantam pinki-pinki mikururqa, pinki-pinkipa puchusqantam utuskuru mikururqa, utuskurupa puchuntañataqmi aqaruway tukururqa.

Joel 1:7

Uvas plantaykunatapas pasaypaqtam purmarachinku, higos sachaykunatapas pasaypaqtam pakiparunku, kallmankunatapas yuraqyanankamam qalaturunku.

Joel 2:25

Ñoqam aqaruwaypa, pinki-pinkipa, utuskurupa mikusqantapas kutichipusqaykichik, paykunataqa ñoqam tropaykunata hina contraykichikpi kachamurqaykichik.

Amós 4:6

Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Amós 4:8

Iskay-kimsa llaqtam huk llaqtaman yaku tomaq rirqaku ichaqa manam saksarqakuchu. Chaywanpas manam ñoqaman kutirikamurqankichikchu. Tayta Diosmi chaynata nin.

Habacuc 3:17

Higos sachakuna manaña waytaptinpas, uvaskuna manaña ruruptinpas, aceitunas sachakuna manaña ruruptinpas, chakrakunapi kawsaykuna manaña qespiptinpas, kanchanpi ovejakuna tukuruptinpas, corralpi vacakuna manaña kaptinpas,

Hageo 2:17

Llamkasqaykichiktapas rupach-kaq wayrawan, qasawan, runtu para-wanmi tukuchirqani, ichaqa ma-nam ñoqaman kutirikamuwarqankichikchu. Tayta Diosmi chaynata nin.

Malaquías 3:11

Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chay-nata nin.

Deuteronomio 28:22

Ka-chaykamunqataqmi tisis onqoytapas, ñakarichikuq calenturatapas, punkipakuytapas, sinchi rupaytapas, usyaytapas chaynataq tarpukuynikichikpaq onqoy-kunatapas; chaykunam kay pachamanta chinkanayki punchawkama kanqa.

Deuteronomio 28:42

Llapallan sachaykikunatawan tarpukuynikikunatam aqaruwaykuna tukurunqa.