Amós 4:6 - CHUYA QELLQA La Biblia en Quechua de Ayacucho 2012

⁶ Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Quechua Ayacucho Bible 1987

⁶ Ñoqam llapa llaqtakunapi yarqaymanta kachirqaykichik. Ñoqam llapa llaqtakunapi mana mikunayoqta kachirqaykichik. Chaywanpas manam qamkunaqa kutirikamuwayta munarqankichikchu. Chaynatam Tayta Dios nin.

Chuya Qellqa 1992

⁶ Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Amós 4:6 Iomraidhean Croise

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 18:2

Chaymi rey Acabpa kasqanman Elías rirqa. Samariapiqa llumpaymi muchuy kachkarqa.

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

2~Reyes 8:1

Kawsarichisqan warmapa mamantam Eliseo nirqa: Kay nacionmanmi yarqayta qanchis watapuni Tayta Dios kacharimunqa, aylluykikunapiwan huklaw llaqtaman ripukuy chaypiña yachamunaykipaq, nispa.

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

Isaías 26:11

Dios Taytallayku, qamqa ñakarichinaykipaqmi chaylla kachkanki, paykunam ichaqa mana musyakunkuchu, llaqtaykita llumpay kuyasqaykita qawaspam penqaypi tarikunqaku. Contraykipi kaqkuna ninawan kañasqa kachunku.

Isaías 3:1

¡Allinta qawarikuychik! Tukuy Atiyniyuq Tayta Diosmi Jerusalén llaqtamanta chaynataq Judá nacionmanta, mikuy apamuqninkunata qechunqa; qechunqataqmi tantatawan yakutapas.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Isaías 9:13

Chaywanpas paykunaqa manam castigaqninku Diosmanqa kutirikurqakuchu, Tukuy Atiyniyuq Tayta Diostapas manam maskarqakuchu.

Jeremías 14:18

Chakrakunaman lloqsispaymi espadawan wañuchisqakunata tarini, llaqtaman yaykuspaymi yarqaymanta wañuqkunata tarini, profetakunawan sacerdotekunam mana reqsisqa nacionkunaman pasakunku.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Ezequiel 14:21

Chayraykum ñoqa Tayta Dios kaynata nini: Aswanraqmi kanqa Jerusalén llaqtaman manchakuypaq tawa castigoykunata kachaykamuptiyqa. Kay tawa castigoykunam kaykuna: Guerra, yarqay, runa mikuq animalkuna hinaspa peste onqoy. Chaykunam runakunata hinaspa animalkunatapas wañuchinqaku.

Ezequiel 16:27

Chayraykum qamta castigaspay mikunaykitapas asllayachirqani, hinaspam cheqnisuqniki filisteokunaman qoykurqayki munasqankuta ruwasunaykipaq; chay millakuypaq kaqkuna ruwasqaykimantaqa paykunaraqmi penqakunkupas.

Oseas 11:5

Paykunam ichaqa ñoqaman kutirikamuwayta mana munarqakuchu, chayraykum kaqllamanta Egiptopi esclavo kamunqaku, Asiria nacionpas paykunapim munaychakunqa.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Joel 1:16

Qayllanchikmantam mikusqanchiktapas qechuruwanchik, Diosninchikpa templonpi kusikuyninchiktapas pasaypaqtam qechuruwanchik.

Levítico 26:23

Chay ñakariykunawanpas mana wanakuspa hinalla qepanchakuwapti-kichikqa

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Hageo 2:17

Llamkasqaykichiktapas rupach-kaq wayrawan, qasawan, runtu para-wanmi tukuchirqani, ichaqa ma-nam ñoqaman kutirikamuwarqankichikchu. Tayta Diosmi chaynata nin.

Deuteronomio 28:38

Achkatam tarpunki ichaqa aqaruway tukuruptinmi pisillata cosechanki.

Apocalipsis 2:21

Jezabelmanqa qorqanim tiempota huchankunamanta wanakunanpaq, ichaqa manam munanchu chuchumika kaynin saqeyta.

Rutwan Sutichasqa Libro 1:1

Israel nacionpi juezkuna kamachikuchkaptinkum muchuy karqa, chaymi Judá lawpi Belén llaqtayuq runa ripukurqa warmintin hinaspa iskaynin qari churinkunapiwan, Moab lawman chaypiña yachanankupaq.