Amós 4:5 - CHUYA QELLQA La Biblia en Quechua de Ayacucho 2012

⁵ Sapa tutapaytayá levadurayuq tantata kañapuychik, sapa kimsa punchawyá diezmoykichiktapas chayman astaychik, ofrendata apamunankupaqyá tukuy hinastinpi qayaykachakamuychik, aswan mastaraqyá huchallikuychik. Israelpa mirayninkuna, hucha ruwaytam qamkunaqa kuyankichik. Tayta Diosmi chaynata nin.

Quechua Ayacucho Bible 1987

⁵ Graciasta qospayá qonchuyoq tantataraq kañaychik. Tukuy hinastinpiyá munasqaykichikman hina churasqaykichik ofrendamanta willakuychik. Chayna ruraymi qamkunataqa gustasunkichik. Chaynatam Tayta Dios nin.

Chuya Qellqa 1992

⁵ Sapa tutapaytayá levadurayuq tantata kañapuychik, sapa kimsa punchawyá diezmoykichiktapas chayman astaychik, ofrendata apamunankupaqyá tukuy hinastinpi qayaykachakamuychik, aswan mastaraqyá huchallikuychik. Israelpa mirayninkuna, hucha ruwaytam qamkunaqa kuyankichik. Tayta Diosmi chaynata nin.

Amós 4:5 Iomraidhean Croise

Isaías 1:1

Judá nacionpi rey Uziaspa, rey Jotampa, rey Acazpa hinaspa rey Ezequiaspa munaychakusqanku punchawkunapim, Judá nación chaynataq Jerusalén llaqta imaynam kananmanta Amozpa churin Isaiasman visionpi Tayta Dios qawachirqa.

Isaías 1:11

Tayta Diosmi nin: ¿Imapaqtaq valen achkallaña animalkuna wañuchipuwasqaykichik? Amiruniñam carnerokunapa malta torokunapa wiran kañapuwasqaykichiktapas, carnerokunapa chivatokunapa yawarnin chaqchusqaykichiktapas millakuruniñam.

Jeremías 7:10

¿hamuwaqchikraqchu sapaqchakusqay wasiyman qayllaypi kanaykichikpaq? ¿Niwaqchikraqchu: Libreñam kaniku, nispaykichik? ¿Creenkichikchu chay millakuypaq kaqkuna ruwanaykichikpaq libre kasqaykichikta?

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Levítico 23:17

Kuyuchisqa ofrendapaqmi wasikichikmanta tawa kilo parten harinamanta levadurawan chapusqa iskay tantata apamunkichik. Chay ofrendam kanqa ñoqa Tayta Diospaq primicia hina.

Amós 5:21

Cheqninim, millakunim yupaychawanaykichikpaq fiestaykichiktapas, hatun huñunakuykuna ruwasqaykichiktapas manam munanichu.

Amós 5:22

Sacrificiokunata kañaspa kawsaykunamanta ofrenda qowasqaykichiktapas manam chaskisqaykichikchu; ñoqawan allinyanakunaykichikpaq wira animalkuna wañuchipuwasqaykichiktapas manam rikuytapas atinichu.

Mateo 15:9

Paykunaqa yanqapaqmi yupaychawankupas, yachachikuyninkupas runakunapa kamachisqallanmi” nispa.

Mateo 23:23

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunam hierbabuenamanta, anismanta hinaspa cominomanta diezmoykichikta qonkichik; allin ruwayta, kuyapayakuyta hinaspa iñiyniyuq kaytam ichaqa qonqarunkichik. Kay hatun kamachikuykunatam kasukunaykichik, diezmo qoytapas ama qonqaspa.

Mateo 6:2

Wakchaku-nata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam pre-mionku kachkanña.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.