Amós 4:2 - CHUYA QELLQA La Biblia en Quechua de Ayacucho 2012

² Tayta Diosmi chuya kayninrayku kaynata jurarqa: Hamuchkanmi tiempo senqaykichikmanta ganchowan watuchaspa aysasqa kanaykichikpaq, miraynikichikpas anzuelowan challwa hapisqa hina apasqa kanankupaq.

Quechua Ayacucho Bible 1987

² Señor Diosmi chuya kayninrayku jurarqa kaynata: Hamuchkanmi tiempo watuchasqata pusasunaykichikpaq, anzuelowan challwa hapisqa hina miraynikichikpas aysasqa kanankupaq.

Chuya Qellqa 1992

² Tayta Diosmi chuya kayninrayku kaynata jurarqa: Hamuchkanmi tiempo senqaykichikmanta ganchowan watuchaspa aysasqa kanaykichikpaq, miraynikichikpas anzuelowan challwa hapisqa hina apasqa kanankupaq.

Amós 4:2 Iomraidhean Croise

Isaías 37:29

uyarinim ñoqapaq piñakuspa hatun simikiwan kamiwasqaykitapas, chayraykum argollata senqaykiman churaspay, frenota simikiman churaspay, maymi hamusqayki ñanninta kutichisqayki, nispa.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Ezequiel 29:4

Ganchokunatam hocicoykiman churasaq, mayuykipi challwakunatapas escamaykimanmi laqarusaq, escamaykiman laqasqa challwakunatawan kuskatam mayuykimanta aysarusqayki.

Ezequiel 34:16

Chinkasqa ovejakunatam maskamusaq, chullaruqtam kutichimusaq, chakin pakisqakunatam wataykusaq, eqoyasqakunatam marqarikusaq. Poqosqakunatawan kallpasapankunatam ichaqa puchukarachisaq, imam kaqman hinam michisaq.

Ezequiel 38:4

Kakichuykimanta ganchokunawan hapirachispaymi llapa tropaykikunatawan kuskata hurqorusqayki, hurqorusaqtaqmi caballoykikunatapas chaynataq suma-sumaq pachasqa sillada tropaykikunatapas. Tropaykikunaqa espadakunawan hinaspa tukuy rikchaq escudokunawan armasqam kachkanku.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Amós 8:7

Tayta Diosmi Jacobpa hatun kayninrayku juraspan nin: Tukuy ima ruwasqankutaqa manam haykapipas qonqasaqchu, nispan.