Amós 4:12 - CHUYA QELLQA La Biblia en Quechua de Ayacucho 2012

¹² Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Quechua Ayacucho Bible 1987

¹² Israel castakuna, chaynatapunim qamkunatapas castigasqaykichik. Chaynata ruranay kachkaptinqa qamkunayá alistakuychik. Diosnikichikwan tupanaykichikpaqyá alistakuychik.

Chuya Qellqa 1992

¹² Chaynatam Israel qamkunawanpas ruwasaq, qamkunawan chaynata ruwanay kachkaptinqa, Diosnikichikwan tupanaykichikpaq allichakuychik.

Amós 4:12 Iomraidhean Croise

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 47:3

Lliwpa qawasqanmi qalalla purinki, penqaynikim qawakunqa; chayna kanaykikamam vengakusqayki, manam pipas librasunkichu.

Isaías 64:2

amalaya kichkakunata ruparuq nina hinaraq, yakuta timpuchiq nina hinaraq, hinaptinqa enemigoykikunachá sutikita reqsinmanku, nacionkunapas qayllaykipichá katkatatanmanku.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Ezequiel 13:5

Israelta nanachikunankupaqqa manam perqallatapas allicharqakuchu, chaynapi Tayta Diospa castiganan punchaw guerra chayamuptin takyananpaqqa.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Oseas 13:8

Wawanta chinkarachiq ukumari hinam hapiruspay qasqonkutapas llikiparusaq, león hinam paykunataqa mikurusaq, purun animal hinam paykunataqa tisaparusaq.

Amós 2:14

Maynataña kallpaq runapas manam lluptinqachu, kallpasapa runatapas kallpanqa manam yanapanqachu, mana imataña manchakuq runapas manam vidanta salvanqachu.

Mateo 24:44

Chaynaqa, qamkunapas listollayá kaychik, runapa Churinqa mana yachasqaykichik horatam kutimunqa.

Mateo 5:25

Pipas quejaman apasuptikiqa ñanllapiraqyá paywan allinyanakuruy, yanqañataq juezman qoykusunkiman, juezñataq guardiaman, payñataq carcelman wichqarusunkiman.

Apocalipsis 3:3

Chaynaqa, yuyariyá yachachikuykuna uyarisqaykita, chayta kasukuspa Diosman kutirikuy. Mana rikchariptikiqa suwa hinam mana yachasqayki horallata hamurusqayki.