Amós 3:2 - CHUYA QELLQA La Biblia en Quechua de Ayacucho 2012

² Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Quechua Ayacucho Bible 1987

² Kay pachapi nacionkunamantam qamkunallata akllakurqaykichik. Chayraykum mana allinkuna rurasqaykichikmanta castigasqaykichik.

Chuya Qellqa 1992

² Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Amós 3:2 Iomraidhean Croise

Génesis 10:32

Paykunam karqa Noeypa churinkunamanta miramuq ayllukuna nacionninkupi mirasqankuman hina. Paykunam sinchi parapa qepanta tukuy hinastinman cheqespanku nacionkunata hatarichirqaku.

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Isaías 63:19

Qampa mana haykapipas munaychakusqayki hinam kachkaniku, manaña haykapipas sutikiwan sutichasqa hinam kachkaniku.

Jeremías 1:15

Ñoqa Tayta Diosmi kaynata nini: Norte lawpi nacionkunatam qayasaq, reyninkunam hamuspa Jerusalenpa punkunpi trononkuta churanqaku; Jerusalenpi, Judá nacionpi yachaqkunatam atacaspanku presota apanqaku.

Jeremías 10:25

Piñakuynikiqa mana reqsisuqniki nacionkunamanyá chayachun, mana yupaychasuqniki nacionkunamanyá chayachun. Paykunaqa Jacobpa mirayninkunatam chinkarachirqaku, chinkarachispam pasaypaqta wasillankutapas purmarachirqaku.

Jeremías 11:22

Chaymi Tukuy Atiyniyuq Tayta Dios kaynata niwarqa: Ñoqam paykunataqa castigasaq: Jovenkunam guerrapi wañunqaku, churinkuñataqmi qaripas warmipas yarqaymanta wañunqaku.

Jeremías 13:21

Jerusalén llaqta, ¿imaninkitaq yachachisqayki runakuna kamachiqniki rikuriruptin? Wachakuq warmipa nanaynin hinaraqmi qanmanpas nanay hamusunki.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 9:25

Tayta Diosmi kaynata nin: Hamuchkanmi punchawkuna, qari kayninkupi señalasqatapas chaynataq mana señalasqatapas;

Ezequiel 5:9

Qamtaqa ruwasqayki mana haykapipas ruwasqayta hinam, manataqmi chaynataqa huktawanqa ruwasaqñachu. ¡Mayna millakuypaqmi ruwasqaykikunaqa!

Ezequiel 9:6

Ama hukllatapas puchuykuspam yuyaqkunatapas, jovenkunatapas, sipaskunatapas, wawakunatapas hinaspa warmikunatapas wañuchimunkichik; urkunpi señalniyuq kaqkunatam ichaqa ama imanankichikchu. Temploypi kaqkunamantam wañuchiytaqa qallaykunkichik, nispa. Chaymi templopa ñawpaqninpi kaq ancianokunamanta wañuchiyta qallay-kurqaku.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Oseas 2:13

Ñoqata qonqaruwaspam anillokunawan collarkunawan churakuykuspa kuyaqninkunata qatikurqa, hinaspam Baal idoloman inciensota kañapurqa, chaykunamantam payta ñakarichisaq. Tayta Diosmi chaynata nin.

Oseas 5:3

Efraintaqa reqsinim, Israelpa mirayninkunaqa manam pakasqachu. Efraín, chuchumika hinañam kawsachkanki huchapakuyllapim kachkanki; Israelpas anchatam huchallikurun.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:9

Gabaa llaqtapi ruwasqankuta hinaraqmi llumpayta huchallikurunkichik; Tayta Diosmi ichaqa mana allin ruwaynikichikta yuyaykuspan ñakarichisunkichik.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Amós 3:3

¿Yaqachu iskay runakuna kuska purinmanku imapipas mana huk sonqolla kachkaspanku?

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Miqueas 2:3

Chayraykum Tayta Dios kaynata nin: Ñoqapas qamkunapa contraykichikpim mana allinnikichikta tanteachkani, chaymantaqa manam lluptinkichikchu, ñakarinaykichik punchaw chayamuptinmi uchuychallaña purinkichik.

Nahúm 3:4

Chaykunam pasakuchkan, kuyakuq tukuq chuchumika warmikunapa llumpa-llumpay qanrakuyninkurayku. Paykunam sumaqllata engañaspanku, qanrakuyninkuwan nacionkunata tuñichirqaku, layqa kayninkuwanñataqmi runakunata wichichirqaku, nispa.

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Romanos 2:9

Llapallan mana allin ruwaqkunapaqqa ñakariywan sasachakuymi kanqa, puntataqa kanqa judiokunapaqmi chaynataq mana judiokunapaqpas.

1~Corintios 8:3

Dios kuyaq runaqa Diospa reqsisqanmi.

Deuteronomio 10:15

Chaywanpas Tayta Diosqa kuyaspam ñawpaq taytaykichikkunataqa akllarqa, chaymantam kunan qawasqaykichikpi hinapas paykunapa mirayninkunata akllasurqankichik, wakin nacionkunatam ichaqa mana akllarqachu.

Deuteronomio 26:18

Israel llaqta, kunanmi Tayta Dios nisunkichik qamkunaqa llaq-tanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

Deuteronomio 4:32

Ñawpaq tiempokunata tapukachakuychik, runata kay pachapi Diospa unanchasqanmantapuni tapukachakuychik, tukuy hinastinpi tapukachakamuychik: “¿Yaqachum kayna hatu-hatun kaqkuna pasakurqa? ¿Yaqachum kayna hatu-hatun kaqkunamanta uyarirqankichik?”

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?