Amós 3:15 - CHUYA QELLQA La Biblia en Quechua de Ayacucho 2012

¹⁵ Rupay tiempopaq wasitapas chiri tiempopaq wasitawan kuskatam tuñichisaq; apukunapa sumaqllaña wasinpas chinkanqam, llapa wasikunapas purmanqam.

Quechua Ayacucho Bible 1987

¹⁵ Apukunapa wasintam tuñirachisaq. Suma-sumaq wasikunatam taqmarusaq. Chaynatam Tayta Dios nin.

Chuya Qellqa 1992

¹⁵ Rupay tiempopaq wasitapas chiri tiempopaq wasitawan kuskatam tuñichisaq; apukunapa sumaqllaña wasinpas chinkanqam, llapa wasikunapas purmanqam. Tayta Diosmi chaynata nin.

Amós 3:15 Iomraidhean Croise

1~Reyes 22:39

Acabpa imaynam kawsasqanpas, imakunam ruwasqanpas, marfilmanta palacio ruwachisqanpas chaynataq llaqtakuna ruwachisqanpas Israel nacionpi reykunapa vidanmanta willakuq libropim qellqasqa kachkan.

Isaías 5:9

Tukuy Atiyniyuq Tayta Diosmi cheqaptapuni niwarqa: “Achkallaña wasikunam tuñichisqa kanqa, hatunnin suma-sumaq wasikunam mana runayuq chunninqa.

Jeremías 36:22

Isqon kaq killa kasqanraykum reyqa qasa tiempopaq ruwachisqan cuartopi tiyachkarqa, qonichikunan sansapa ñawpaqninpi.

Amós 2:5

Chayraykum Judá nacionta kañaykuptiy Jerusalenpa palaciokunatapas rupanqa, nispa.

Amós 3:11

Chayraykum Tayta Dios kaynata nin: Enemigoykikunam hamunqa kay pachapa muyuriqninmanta; hinaptinmi muyuriqnikipi harkasuqniki perqakuna tuñichisqa kaptin, palacioykipi tukuy ima taqesqaykipas suwasqa kanqa, nispa.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Amós 6:11

Tayta Dios kamachiptinmi hatun sumaq wasikunatapas tuñirachinqaku, taksan wasikunatañataqmi purmarachinqaku, lliwtam ñuturunqaku.

Malaquías 1:4

Esaupa miraynin Edom runakunam ninku: “Tuñirachiwaptinchikpas musoqmantam purmachisqa nacionninchiktaqa hatarichisun”, nispanku. Ichaqa Tukuy Atiyniyuq Tayta Diosmi kaynata nin: “Huktawan hatarirachiptikichikpas yapamantam purmarachisqaykichik. Hinaptinmi nacionnikichik sutichasqa kanqa mana allinpa kanan nacionwan hinaspa Tayta Diospa wiñaypaq ñakasqan nacionwan”, nispa.

Jueces 3:20

Wayraparikuna salapi rey Eglón tiyachkaptinmi, sapallankupiña asuykuspan Aod nirqa: Diospa palabranmi qanman willanay kachkan, nispa. Chaymi rey Eglón tiyananmanta hatariruptin,