Amós 3:14 - CHUYA QELLQA La Biblia en Quechua de Ayacucho 2012

¹⁴ Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Quechua Ayacucho Bible 1987

¹⁴ Castiganay punchawpim Israel castakunata huchanmanta castigasaq. Betel llaqtapi altarkunatam tuñirachisaq. Wichiykunanpaqmi esquinankunata qorurusaq.

Chuya Qellqa 1992

¹⁴ Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Amós 3:14 Iomraidhean Croise

2~Reyes 23:15

Tuñichirqam Bet-elpi altartapas, chay altartaqa Israel nacionta huchallichiq Nabatpa churin Jeroboammi hatarichirqa. Chaymantam uchpayanankama kañarurqa. Asera idolotapas kañarurqam.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Éxodo 32:34

Chaynaqa, kunan kutispa chay runakunata maymi nisqayman pusay. Angelniymi pusasunki, castiganay punchaw chayamuptinñam paykunataqa huchankumanta castigasaq, nispa.

Amós 2:8

Wakchakunapa mana pagayta atispa prenda saqesqanku pachakunapim, altarkunapa waqtanpi chuchumika warmiwan qanrakunku, mana kaqmanta multata cobrasqanku qollqewan vinota rantiykuspam, diosninkuta yupaychananku wasipi machakunku.

Amós 4:4

Qamkunaqa huchallikuytam anchata gustankichik, chaynaqa Bet-elmanwan Gilgalman rispayá, idoloykichikta yupaychamuychik, manañam imapas qokuwanchu imayna kaynikichikpas.

Amós 7:10

Hinaptinmi Bet-elpi kaq sacerdote Amasías, Israelpa reynin Jeroboamman willachimurqa kaynata: Amosmi contraykipi hatarirun. Israelpi runakunaqa manam tukuy ima rimasqanta aguantayta atinmankuchu.

Amós 7:13

Amaña Bet-elpiqa profetizayñachu, kaypiqa reypa santuarionmi kachkan, kaymantataqmi munaychakunpas, nispa.

Amós 7:9

Isaacpa idolokunata yupaychanan moqokunam tuñichisqa kanqa, Israelpa santuarionkunapas ñutusqam kanqa; rey Jeroboampa mirayninkunatam espadawan wañuchisaq, nispa.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.