Amós 3:13 - CHUYA QELLQA La Biblia en Quechua de Ayacucho 2012

¹³ Tukuy Atiyniyuq Tayta Diosmi kaynata nin: Uyariychik hinaspa Jacob casta runakunapa contranpi rimaychik.

Quechua Ayacucho Bible 1987

¹³ Llapallan Kamachiq Tayta Diosmi nin: Uyarispa willakuychik Jacob castakunapa contranpi.

Chuya Qellqa 1992

¹³ Tukuy Atiyniyuq Tayta Diosmi kaynata nin: Uyariychik hinaspa Jacob casta runakunapa contranpi rimaychik.

Amós 3:13 Iomraidhean Croise

2~Reyes 17:13

Chayraykum Tayta Diosqa profetakunawan chaynataq revelación chaskiqkunawan Israel nacionta hinaspa Judá nacionta anyaspan kaynata nirqa: Mana allin ñanmanta kutirikamuychik hinaspa kamachikuyniykunatawan yachachikuyniykunata waqaychaychik, ñawpaq taytaykichikman yachachisqay kamachikuykunata kasukuychik, chaykunataqa serviqniy profetaykunatakamam willachirqaykichik, nispa.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

2~Crónicas 24:19

Chaywanpas Tayta Diosmi profetankunata kacharqa payman kutirikamunankupaq. Ichaqa llapa runakunam profetakunapa anyasqanta mana kasukurqakuchu.

Isaías 1:24

Chayraykum Tukuy Atiyniyuq Tayta Dios, Israelpi munaychakuq Tayta Dios kaynata nin: Kunanmi cheqniwaqniykunamanta cuentata mañasaq, kunanmi enemigoykunamanta vengakusaq.

Ezequiel 2:7

Qamqa imam nisqaytam willanki uyariptinku otaq mana uyariptinkupas. Paykunaqa mana kasukuqkunam kanku.

Amós 3:14

Israel runakunata castigasqay punchawmi Bet-el llaqtapi altarkunatapas tuñichisaq; altarpa waqrankunapas kuchusqa kaspam pampaman wichichisqa kanqa.

Amós 5:27

Chayraykum Tukuy Atiyniyuq Tayta Dios kaynata nin: Damascopa waklawninkunamanraqmi presota apachisqaykichik, nispa.

Hechos 2:40

Pedrom runakunata qaqchaspan kaynata nirqa: ¡Kay huchasapa miraykunamanta rakikuychik! nispa.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Efesios 4:17

Señorninchikpa sutinpim nikichik: Amañayá Dios mana reqsiq runakuna hinaqa kawsaychikchu, paykunaqa mana allin piensasqankuman hinallam kawsachkanku.

Deuteronomio 8:19

Sichum Señornikichik Tayta Diosta qonqaruspa, idolokunataña qatispa yupaychaptikichikqa ñoqam kunan nikichik, cheqaptapunim chinkachisqa kankichik.

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.

Josué 22:22

Dioskunapapas Diosnin Señorninchik Tayta Diosmi yachan, chaytaqa manam paypa contranpi hatarispaykuchu nitaqmi payta qepanchaspaykuchu ruwarqaniku. Paymi yachan, qamkunapas yachaychikyá, sichum chayrayku ruwaptiykuqa, lliwtayá kunan wañurachiwayku.