Amós 3:10 - CHUYA QELLQA La Biblia en Quechua de Ayacucho 2012

¹⁰ Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Quechua Ayacucho Bible 1987

¹⁰ Tayta Diosmi kaynata nin: Paykunaqa mana allinkunapim kawsanku. Mana llakipayaspa salteasqankutam palacionkupi waqaychanku.

Chuya Qellqa 1992

¹⁰ Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Amós 3:10 Iomraidhean Croise

Jobwan Sutichasqa Libro 20:21

Pay rakraptinqa manam imapas puchuqchu, chayraykum kusikuyninpas mana takyanqachu.

Proverbios 1:13

Hinaspanchikmi tukuy ima kapuqniyuq kasun, wasinchiktapas suwakusqanchikwanmi huntachikusun.

Proverbios 11:16

Kuyapayakuq warmiqa respetasqam kanqa; imapiñapas llamkakuq runaqa apuyanqam.

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 5:4

Chaymi nirqani: Kaykunaqa mana yachayniyuq runakunam, locoyaruspankum Tayta Diospa munasqanman hina kawsaytaqa mana yachankuchu, Diospa kamachikuynintapas manam yachankuchu.

Ezequiel 18:7

Pitapas manam ñakarichinchu, debeqninmanta prenda mañasqantapas manam hapikuykunchu, manam pimantapas suwakunchu, yarqasqakunamanmi mikuykachin, mana pachayuqkunatam pachaykachin.

Ezequiel 22:29

Kay nacionpi runakunaqa mana allin ruwaypi hinaspa suwakuyllapim kachkanku; wakchakunatawan mana piniyuqkunata chaynataq huklaw llaqtayuqkunatam ñakarichinku.

Ezequiel 8:17

Chaymi Tayta Dios kaynata niwarqa: Runapa churin, ¿qawachkankichum kaykunata? Judapa mirayninkunataqa manam imapas qokunchu kay millakuypaq kaqkuna ruwayninkuqa. Kay naciontapas mana allin ruwayninkuwanmi huntarachinku. Paykunaqa ñataq-ñataqmi piñachiwanku, millakuypaq ruwasqankupa asnaynintam senqayman chaya-chimunku.

Oseas 7:1

Israelta hampichkaptiymi Efrainpa chaynataq Samariapa mana allin ruwasqankuna rikuriramun. Paykunaqa llapallankum llullakuspa suwakunku, punchawpacham wasikunaman suwakuq yaykunku, callepi purikuqkunatam imantapas suwanku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:7

¡Ay, imaynaraq kanqaku! Cheqap kaqta ñakariyman tikraqkuna, allin kawsakuyta saruruspa yanqachaqkuna.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Amós 6:3

Qamkunam piensankichik sasachakuy punchawta qamkunamanta asurachiyta, ichaqa aswanraqmi qayaypaq qayachkankichik ñakariy tiempokunata.

Amós 6:8

Tukuy Atiyniyuq Tayta Diosmi kikin-rayku juraspa kaynata nin: Millakunim Israelpa hatun tukuynintapas, palacionkunatapas cheqninim; chayraykum llaqtata tukuy ima kapuqninkunatawan enemigonman qoykusaq, nispa.

Miqueas 6:10

Mana allin ruwaqpa wasinpiqa hinallaraqmi kachkan engañowan ganasqan qori-qollqepas, mana allin ruwaqpa wasinpiqa hinallaraqmi kachkan millakusqay suwa balanzakunapas.

Sofonías 1:9

Chay punchawpitaqmi punku hawanta pawaykuspa yaykuqkunatapas, patronninkupa wasinta suwakuywan hinaspa engañowan huntachiqkunatapas castigasaq, nispa.

2~Pedro 3:5

Paykunaqa llullankutam mana yachayta munankuchu, Diospa rimariy-llanwan hanaq pachaqa ñawpaq tiem-popi unanchasqa kasqanta chaynataq kay pachapas yakullamanta rikurichisqanta hinaspa yakupa chawpinpi takyachisqantapas.