Amós 3:1 - CHUYA QELLQA La Biblia en Quechua de Ayacucho 2012

¹ Israelpa mirayninkuna uyariychik Tayta Diospa imam nisqanta. Egiptomanta hurqomusqan runakunapa contranpim kaynata nin:

Quechua Ayacucho Bible 1987

¹ Israelpa mirayninkuna, uyariychik. Egiptomanta horqomusqan runankunatam nisunkichik:

Chuya Qellqa 1992

¹ Israelpa mirayninkuna uyariychik Tayta Diospa imam nisqanta. Egiptomanta hurqomusqan runakunapa contranpim kaynata nin:

Amós 3:1 Iomraidhean Croise

1~Crónicas 16:13

Serviqnin Israelpa mirayninkuna, akllakusqan Jacobpa mirayninkuna:

2~Crónicas 20:15

chaymi nirqa: Judá runakuna, Jerusalenpi yachaqkuna, qampas rey Josafat, uyariwaychik. Tayta Diosmi kaynata nisunkichik: Kay nana-nanaq tropakunapa qay-llanpiqa ama manchakuychikchu nitaq hukmanyaychikchu, kay guerraqa manam qamkunapachu, aswanqa Diospam.

Isaías 46:3

Jacobpa mirayninkuna uyariwaychik, Israel nacionmanta puchuqkuna uyariwaychik: Manaraq nacechkaptikichikmi ñoqa qepikacharqaykichik, nacesqaykichik punchawmantam marqakacharqaykichik.

Isaías 48:12

Jacobpa mirayninkuna uyariwaychik, akllakusqay Israel llaqta, uyariway: Ñoqa sapallaymi Diosqa kani, ñoqallam kani punta kaqpas, qepa kaqpas.

Jeremías 13:11

Imaynam huk runa chumpita weqawninman watakurun, chaynatam Israel runakunatawan Judá runakunatapas ñoqaman watasqata hatallirqani, chaynapi runaykunaña kaspanku wakin runakunaman sutiyta reqsichinankupaq, yupaychawaspanku hatunchawanankupaq. Ichaqa manam kasuwarqakuchu. Ñoqa Tayta Diosmi chaynata nini.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 5:1

Sacerdotekuna kayta uyariychik, Israelpa mirayninkuna chaylla uyariychik, reypa mirayninkuna uyariychik: Mizpa lawpi tranpa churasqa hina, chaynataq Tabor orqopi challwanapaq malla hina kasqaykichikmantam juzgasqa kankichik.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:1

Israel runakuna uyariychik, llaki simikuna rimarisqayta.

Miqueas 2:3

Chayraykum Tayta Dios kaynata nin: Ñoqapas qamkunapa contraykichikpim mana allinnikichikta tanteachkani, chaymantaqa manam lluptinkichikchu, ñakarinaykichik punchaw chayamuptinmi uchuychallaña purinkichik.

Miqueas 3:1

Hinaptinmi ñoqañataq kaynata nirqani: Jacobpa mirayninpi munaychakuqkuna, Israelpa mirayninpi kamachikuqkuna, uyariwaychik. ¿Manachum qamkunaqa allinta ruwanaykichikpaq kamachisqa kachkankichik?

Sofonías 2:5

Lamar qochapa patanpi yachaqkuna, Creta llaqtapi yachaqkuna, ¡imallapiraq rikukunkichik! Qamkunapa contraykichikpim Tayta Dios kaynata rimarin: “Filisteokunapa yachanan Canaán llaqta, manaña runayuq kanaykikamam purmachisqayki”, nispa.

Apocalipsis 2:29

Pipas uyarikuqqa, iglesiakunaman Espiritupa nisqantayá uyarichun, nispa.