Amós 2:7 - CHUYA QELLQA La Biblia en Quechua de Ayacucho 2012

⁷ Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Quechua Ayacucho Bible 1987

⁷ Mana piyniyoq wakchakunatam sarutyanku. Wakchakunapa derechontam sarutyarunku. Taytanpas churintinmi huk criadallanwan kakunku. Chaynapim paykunaqa penqayman churawanku.

Chuya Qellqa 1992

⁷ Mana piniyuqkunatam usuchinku, wakchakunatapas yanqamanta cargochaspam pantachinku. Taytakunapas churintinmi huk warmillawan qanrakunku, hinaspam chuya sutiyta penqayman churanku.

Amós 2:7 Iomraidhean Croise

2~Samuel 12:14

Chaywanpas mana allin ruwasqaykiwan Tayta Diosta qepanchasqaykimantam naceq churikipas wañunqa, nispa.

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

Proverbios 28:21

Hukkaq runallaman sayapakuruyqa manam allinchu, runaqa parten tantaraykullapas sayapakunmi.

Isaías 10:1

¡Ay, imaynaraq kankichik, mana allin kamachikuykuna decretaqkuna, ñakarichinaykichikpaq kamachikuykunata qellqaqkuna!

Isaías 10:2

Qamkunaqa wakchakunatapas manam nanachikunkichikchu, llaqtaypi ñakariqkunapaqpas manam allin arreglotaqa ruwankichikchu, viudakunapa kapuqnintam suwakunkichik, mana tayta-mamayuqkunapa kapuqnintam qechunkichik.

Isaías 3:14

Tayta Diosmi llaqtanpi ancianokunawan chaynataq kamachikuqkunawan juicioman yaykuspan ninqa: Qamkunaqa llaqtaytam chaqorunkichik, wakchakunamanta suwakusqaykichiktam wasikichikpiraq pakarunkichik.

Isaías 3:15

Tukuy Atiyniyuq Tayta Diosmi kaynata nin: ¿Imata munaspataq llaqtayta ñakarichinkichik, hinaspa wakchakunatañataq usuchinkichik? nispa.

Ezequiel 22:11

Runamasinkupa warminkuwanmi waqllikunku, llumchuyllankuwanmi qanrakunku, taytankupa churillantam abusanku.

Ezequiel 36:20

Maylaw nacionmanña rispapas ñoqapa chuya sutiytam penqayman churarqaku. Runakunam kaynata niqku: “Kay runakunaqa Tayta Diospa runankuna kachkaspapas nacionninkumantam lloqsiramunku”, nispanku.

Oseas 4:14

Ichaqa, hayka qariwanña churikichik puñukuptinpas hukwan-hukwanña llumchuynikichik waqllikuptinpas paykunataqa manam castigasaqchu; qamkunapunipas chuchumika warmikunawan, idolokunata qachakuyninwan serviq warmikunawan qachakusqaykichikrayku. Chayraykum mana yachayniyuq llaqtaqa tuñichisqa kanqa.

Levítico 18:15

Llumchuynikiwanqa amam kakunkichu, payqa churikipa warminmi.

Levítico 18:21

Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Levítico 18:8

Taytaykipa yapakusqan warminwan kakuspaqa amam taytaykita penqaymanqa churankichu.

Levítico 20:3

Ñoqapas chay runapa contranpi sayarispaymi llaqtanmanta chinkarachisaq, Moloc idoloman churinta ofrecespan santuarioytapas chaynataq chuya sutiytapas penqayman churasqanrayku.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Amós 5:11

Chaynaqa, wakchakunata yanqamanta tumpaspa impuestota trigonpi chaskikusqaykichikraykum, labrasqa rumikunawan wasikuna ruwasqaykichikpipas mana yachankichikchu, manataqmi uvas plantasqaykichikpa rurunmanta vinotapas tomankichikchu.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 8:4

Mana piniyuqkunata ñakarichispa wakchakunata tuñichiqkuna kayta uyariychik.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Miqueas 2:9

Llaqtaypi warmikunatam wasinkumanta qarqonkichik, uña wawankumantapas ñoqapa qosqay honorninkutam qechurunkichik.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Romanos 2:24

Chuya Qellqaqa allintam nin: “Qamkunapa huchaykichikmantam mana judío kaqkuna Diosta kaminku”, nispa.

1~Corintios 5:1

Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu.