Amós 2:4 - CHUYA QELLQA La Biblia en Quechua de Ayacucho 2012

⁴ Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Quechua Ayacucho Bible 1987

⁴ Tayta Diosmi kaynata nin: Juda nacionpi *f**yachaqkunatam achka-achka huchanmanta castigasaqpuni. Yachachikuyniykunatam mana chaskinkuchu. Decretoykunatam mana kasukunkuchu. Pantaypim taytacha-mamachakunata yupaycharqaku. Chaynallatam ñawpa abuelonkupas rurarqaku.

Chuya Qellqa 1992

⁴ Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Amós 2:4 Iomraidhean Croise

2~Reyes 17:19

Ichaqa Judá nacionpas Tayta Diospa kamachikuyninkunataqa manam kasukurqachu, aswanqa Israelpa costumbrenman hinam kawsarqa.

2~Crónicas 25:14

Edom tropakuna wañuchimusqan-manta kutimuspanmi, Seir runakunapa idolonkunata rey Amasías apamurqa, hinaspam diosninkunapaq hapiykuspan inciensota kañapuspan yupaycharqa.

2~Crónicas 30:7

Qamkunaqa amayá ñawpaq taytaykichik nitaq aylluykichikkuna hinachu kaychik. Paykunam ñawpaq taytankupa yupaychasqan Tayta Diosta qepancharurqaku, chaymi qawasqaykichikpi hinapas purmachisqa kanankupaq kachaykurqa.

Nehemías 1:7

Contraykipim tukuy mana allinta ruwaruniku, serviqniki Moisesman qosqayki kamachikuykunatapas, decretokunatapas chaynataq reglamentokunatapas, manam kasukurqanikuchu.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Isaías 28:15

Qamkunam ninkichik: “Contratotam wañuywan ruwaruniku, wañusqakunapa kasqanwanpas contratotam ruwaruniku, sasachakuy hamuspa mana haypawanankupaq; llulla rimaykunapim amparakuruniku, engaño ruwaykunapim pakakuruniku”, nispaykichik.

Isaías 44:20

Cheqaptapunipas, chayna runaqa uchpallatam mikun, mana allin ruwayninmi sonqonta pantarachin. Chayna ruwaqkunaqa manam salvakuyta atinqakuchu, paykunaqa manam ninkuchu: Alleq makiypi kaqqa ¿manachum pantay? nispaqa.

Jeremías 16:11

Chaymi ñoqa Tayta Diospa nisqayta kaynata ninki: Ñawpaq taytaykichikkunam saqeruwaspanku idolokunataña qatirqaku, chaykunatam qayllanpi qonqoraspanku yupaycharqaku. Ñoqata saqeruwaspankum kamachikuyniykunatapas mana kasukurqakuchu.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 17:27

Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Jeremías 6:19

Allpa pacha, qampas uyariy: Tukuy mana allinkunata piensasqankumantam runaykunaman ñakariyta kachamusaq. Paykunaqa manam rimapayasqaytapas kasukurqakuchu, kamachikuyniykunatapas wischupakurqakum.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Ezequiel 13:22

Mana llakichichkaptiypas qamkunam ichaqa llullakuynikichikwan allin ruwaq runakunata llakichirqanchik, mana allin ruwaqkunatañataqmi aswanraq mana allinkunata ruwanankupaq kallpancharqankichik, chaynapi castigoymanta mana salvakunankupaq.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 20:18

Chaymi paykunapa mirayninkunataña chunniqpi kaynata nirqani: Qamkunaqa amayá taytaykichikkunapa kamachikuyninkunaman hinaqa kawsaychikchu, yachachikuyninkunatapas ama kasuychikchu, amataq idolonkunawanpas qachachakuychikchu.

Ezequiel 20:24

Chaynataqa nirqani, decretoy-kunata mana kasukuspanku kamachikuyniykunatapas mana ruwayman churasqankuraykum chaynataq samana punchawniykunatapas pasaypaqta sarutyaruspanku taytankupa idolonkunapi sonqoyuq kasqankuraykum.

Ezequiel 20:30

Ñoqa Tayta Diospa nisqayta Israelpa mirayninkunaman kaynata niy: ¿Imanasqataq taytaykichikkuna hina qachachakuyta munankichik? ¿Imanasqataq millakuypaq idolokunata yupaychaspa qepanchawankichik?

Ezequiel 22:28

Profetankunapas estucowan perqata laqachkaq hinaraqmi cheqap kaqta pakarunku; visionta qawaq tukuspankum yanqakunallata profetizanku; paykunaqa mana kamachichkaptiymi: “Tayta Diosmi kaynata nin” nisparaq rimankupas.

Ezequiel 22:8

Santuarioykunatawan samana punchawniykunatapas pasaypaqtam sarutyarunku.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Oseas 12:3

Jacobqa mamanpa wiksallanmantaraqmi wawqenta talonninmanta hapimurqa, hatun runaña kaspanmi Dioswan pelearqa.

Oseas 6:11

Judá, qampaqpas piñakuyniyqa kachkanñam, ichaqa chayamunqam punchaw llaqtayta cheqesqa kasqanmanta allpanman kutichimunaypaq.

Amós 1:3

Tayta Diosmi kaynata nin: Damasco llaqtatam llumpa-llumpay huchanmanta castigasaqpuni, Galaadpi yachaqkunata fierromanta trillanakunawan trillachkaq hina ñakarichisqankumanta.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Miqueas 6:12

Kay llaqtapi apukunaqa runamasinta ñakarichiqkunam; llapa runakunapas llullakuspa engañakuqkunam.

Habacuc 2:18

¿Imapaqtaq valenman runapa ruwasqan idoloqa? ¿Imapaqtaq valenman pantayman pusakuq idoloqa? Idolokunaqa manam rimanchu, ¿ruwaqnin runapas imaynataq chaykunapi hapipakunman?

Romanos 1:25

Diospa cheqap kaqninkunatam tukuy llulla kaqkunamanña tikrarunku, hinaspam unanchaq Diosta qonqaruspanku unanchasqan kaqkunataña yupaychaspa servinku. ¡Diosllam wiñaypaq yupaychasqaqa kanan! Amén.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

1~Pedro 1:18

Diosmi ñawpaq taytaykichikpa mana allin costumbrenkuna chaskisqaykichikmanta salvasurqankichik. Yachasqaykichikpi hinapas kay salvacionpa preciontaqa manam pipas pagarqa tukuruqlla qoriwanchu nitaq qollqewanchu,

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.