Amós 2:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: Moab nacionpi yachaqkunatam llumpa-llumpay huchankumanta castigasaqpuni, castigasaqa Edom nacionpi reypa tullunkunata uchpayanankama kañarusqankuraykum.

Quechua Ayacucho Bible 1987

¹ Tayta Diosmi kaynata nin: Moab nacionpi *f**yachaqkunatam achka-achka huchanmanta castigasaqpuni. Edom nacion reypa tulluntam kañarurqaku. Uchpayanankamam ruparachirqaku.

Chuya Qellqa 1992

¹ Tayta Diosmi kaynata nin: Moab nacionpi yachaqkunatam Llumpa-llumpay huchankumanta castigasaqpuni, castigasaqa Edom nacionpi reypa tullunkunata uchpayanankama kañarusqankuraykum.

Amós 2:1 Iomraidhean Croise

2~Reyes 3:9

Chaymi Israelpa, Judapa hinaspa Edompa reyninkuna rirqaku. Qanchis punchawña chunniqninta muyuchkaptinkum soldadokunapaqwan animalkunapaq yaku pisirurqa.

Proverbios 15:3

Tayta Diospa ñawinqa tukuy hinastinpim kachkan, allin runatapas mana allin runatapas qawaspan.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Isaías 16:6

Moab llaqtapa hatun tukuyninqa yachasqam kachkan. Llumpaymi hatun tukuspa yanqa rimaq kayninpas, llulla kayninpas manam takyanqachu.

Isaías 25:10

Tayta Diosmi Sión moqota atiyninwan waqaychanqa; Moab naciontam ichaqa, wanupatapi qopata hina maymi kasqampi saruparunqa.

Jeremías 25:21

upyachirqanitaqmi Edompa, Moabpa chaynataq Amonpa reyninkunamanpas;

Amós 1:11

Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Amós 1:13

Tayta Diosmi kaynata nin: Amón llaqtapi yachaqkunatam llumpa-llumpay huchankumanta castigasaqpuni. Paykunam allpankuta mirachiypi rispanku Galaad lawpi wiksayuq warmikunapa wiksallantapas kuchuspa tallirqaku.

Amós 1:3

Tayta Diosmi kaynata nin: Damasco llaqtatam llumpa-llumpay huchanmanta castigasaqpuni, Galaadpi yachaqkunata fierromanta trillanakunawan trillachkaq hina ñakarichisqankumanta.

Amós 1:6

Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Amós 1:9

Tayta Diosmi kaynata nin: Tiro llaqtapi yachaqkunatam llumpa-llumpay huchankumanta castigasaqpuni. Wawqentin hina kuyanakunankupaq contrato ruwasqankuta qonqaykuspa llaqtantin runakunata presochaspa Edonman apasqankumanta.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Amós 2:6

Tayta Diosmi kaynata nin: Israel nacionpi yachaqkunatam llumpa-llumpay huchankumanta castigasaqpuni. Mana huchayuq runata qollqepaq rantikuspa, wakchatañataq chulla pares usutapaq rantikusqankumanta.

Miqueas 6:5

Llaqtalláy, kunanyá yuyariy Moab nacionpa reynin Balac consejaptin Beorpa churin Balaampa imam kutichisqanta. Yuyariyá Sitim lawmanta Gilgalman risqaykita, hinaspayá atiyniywan yanapasqayta reqsikuy, nispa.