Amós 1:8 - CHUYA QELLQA La Biblia en Quechua de Ayacucho 2012

⁸ Asdod llaqtapi yachaqkunatam chinkarachisaq, Ascalón llaqtapi kamachikuqkunatam tukurusaq; lliw atiyniywanmi Ecrón llaqtata castigarusaq, Filistea nacionpi puchuq runakunatam puchukarachisaq. Tayta Diosmi chaynata nin.

Quechua Ayacucho Bible 1987

⁸ Asdod llaqtapa reynintam wañurachisaq. Ascalonpi kamachikuqkunatam chinkarachisaq. Lliw atiyniywanmi Ecron llaqtata castigasaq. Filistea nacionpi puchuqkunatam wañurachisaq. Chaynatam Tayta Dios nin.

Chuya Qellqa 1992

⁸ Asdod llaqtapi yachaqkunatam chinkarachisaq, Ascalón llaqtapi kamachikuqkunatam tukurusaq; Lliw atiyniywanmi Ecrón llaqtata castigarusaq, Filistea nacionpi puchuq runakunatam puchukarachisaq. Tayta Diosmi chaynata nin.

Amós 1:8 Iomraidhean Croise

2~Crónicas 26:6

Uziasmi filisteokunawan peleananpaq lloqsispan Gat llaqtapa, Jabnia llaqtapa hinaspa Asdod llaqtapa murallankunata tuñirachirqa; hinaspam Asdod llaqtapiwan filisteokunapa allpanpipas llaqtakunata hatarichirqa.

Isaías 1:25

Yapamantam atiyniywan qamkunata ñakarichisqaykichik, qollqeta chulluchichkaq hinam qachaykichikta mayllasqaykichik, chaynatam mana allin ruwaynikichikmanta sapaqchasqaykichik.

Isaías 20:1

Huk kutipim Asiria nacionpa reynin Sargón, llapallan tropankunapa capitanninta Asdod llaqtaman kacharqa, hinaptinmi chay llaqtapa contranpi peleaspan vencerurqa.

Jeremías 47:1

Gaza llaqtata Faraón manaraq munaychakuchkaptinmi, filisteokunapa contranpi profeta Jeremiasta Tayta Dios kaynata nirqa:

Ezequiel 25:16

Chayraykum ñoqa Tayta Dios kaynata nini: Atiy-niywanmi filisteokunata castigasaq, Ceret runakunatapas tukuruspaymi lamar qochapa patanpi puchuq runakunatapas llapallanta chinkarachisaq.

Joel 3:4

¿Tiro llaqta, Sidón llaqta, filisteo-kuna, imatataq qamkuna ñoqaman-ta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apu-rawman pagaykapusqaykichik.

Amós 1:7

Gaza llaqtapa muyuriqninpi perqakunata kañaykuptiymi palacionkunatapas rupanqa.

Amós 3:9

Asdod llaqtapa palacionkunapi, Egipto nacionpa palacionkunapi, qaparispa niychik: “Samariapa orqonkunaman huñunakuspa qawaychik, Samariapa chawpinpi hatun sasachakuytawan ñakarichinakuyta”, nispaykichik.

Abdías 1:18

Jacobpa mirayninkunam nina hina kanqaku, Joseypa mirayninkunam lenwachkaq nina hina kanqaku, hinaspam Esaupa mirayninkunata qopata hina ruparunqaku, Esaupa mirayninkunaqa lliwmi wañunqaku. Tayta Diosmi chaynata nin.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 9:5

Chaynata rikuspam Ascalón llaqtapas mancharikunqa, Gaza llaqtapas nanaywanmi ñakarinqa, Ecrón llaqtapas pantaypim rikurinqa. Gaza llaqtapa reyninpas chinkanqam, Ascalón llaqtapas mana runayuqmi chunninqa.

Zacarías 9:6

Asdod llaqtapipas mana reqsisqa runakunañam yachakunqaku, chaynatam filisteokunapa hatunchakuyninta puchukachisaq.

1~Samuel 6:17

Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.