Amós 1:6 - CHUYA QELLQA La Biblia en Quechua de Ayacucho 2012

⁶ Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Quechua Ayacucho Bible 1987

⁶ Tayta Diosmi kaynata nin: Gaza llaqtapi *f**yachaqkunatam achka-achka huchanmanta castigasaqpuni. Llaqtantin runakunatam presota pusarqaku. Edom nacionpi kaqkunamanmi qoykurqaku.

Chuya Qellqa 1992

⁶ Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Amós 1:6 Iomraidhean Croise

2~Crónicas 28:18

Chaynataqmi filisteokunapas Sefela lawpi llaqtakunatawan Judá nacionpi Neguev lawpi llaqtakunatapas saquearqaku. Bet-semes, Ajalón, Gederot, Soco, Timna hinaspa Gimzo llaqtakunatapas llaqtachakunatawan kuskatam hapikuykurqaku, hinaspam paykunaña yachakurqaku.

Jeremías 47:1

Gaza llaqtata Faraón manaraq munaychakuchkaptinmi, filisteokunapa contranpi profeta Jeremiasta Tayta Dios kaynata nirqa:

Ezequiel 35:5

Qamqa Israelpa mirayninkunapa wiñaypaq enemigonmi karqanki, mana allin ruwasqankumanta ñakariypi kachkaptinkupas guerrawanraqmi paykunataqa hapirqanki.

Joel 3:4

¿Tiro llaqta, Sidón llaqta, filisteo-kuna, imatataq qamkuna ñoqaman-ta munankichik? ¿Ñoqamanta vengakuruytachu munankichik? Chayna kaptinqa merecesqaykichiktam apu-rawman pagaykapusqaykichik.

Joel 3:6

Judá nacionpi yachaqkunatapas, Jerusalenpi yachaqkunatapas, allpankumanta qar-qospam Grecia nacionniyuq runa-kunaman rantikurqankichik.

Amós 1:11

Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Amós 1:3

Tayta Diosmi kaynata nin: Damasco llaqtatam llumpa-llumpay huchanmanta castigasaqpuni, Galaadpi yachaqkunata fierromanta trillanakunawan trillachkaq hina ñakarichisqankumanta.

Amós 1:7

Gaza llaqtapa muyuriqninpi perqakunata kañaykuptiymi palacionkunatapas rupanqa.

Amós 1:9

Tayta Diosmi kaynata nin: Tiro llaqtapi yachaqkunatam llumpa-llumpay huchankumanta castigasaqpuni. Wawqentin hina kuyanakunankupaq contrato ruwasqankuta qonqaykuspa llaqtantin runakunata presochaspa Edonman apasqankumanta.

Abdías 1:11

Jerusalenman enemigonkuna yaykuspa tropankunata presochaspa apaptinpas qamqa qawayllam qawakurqanki; punkunta huklaw nacionkuna yaykuspan Jerusalenta partenakunankupaq sorteaptinkupas paykunamanraqmi sayapakurqanki.

Zacarías 9:5

Chaynata rikuspam Ascalón llaqtapas mancharikunqa, Gaza llaqtapas nanaywanmi ñakarinqa, Ecrón llaqtapas pantaypim rikurinqa. Gaza llaqtapa reyninpas chinkanqam, Ascalón llaqtapas mana runayuqmi chunninqa.

Hechos 8:26

Chaymantam Felipeta Diospa angelnin kaynata kamachirqa: Sur lawman riy, Jerusalenmanta Gaza llaqtaman riq ñanninta, nispa. Chay ñanqa chunniqnintam pasachkan.

1~Samuel 6:17

Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.