Amós 1:11 - CHUYA QELLQA La Biblia en Quechua de Ayacucho 2012

¹¹ Tayta Diosmi kaynata nin: Edom llaqtapi yachaqkunatam llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Quechua Ayacucho Bible 1987

¹¹ Tayta Diosmi kaynata nin: Edom nacionpi *f**yachaqkunatam achka-achka huchanmanta castigasaqpuni. Espada makintinmi mana kuyapayarikuspa Israel ayllunkuta qatikacharqaku. Piña-piñallañam munasqankuta rurarunku. Cheqnikuyninkupas mana tukuriqmi karqaku.

Chuya Qellqa 1992

¹¹ Tayta Diosmi kaynata nin: Edom llaqtapi yachaqkunatam Llumpa-llumpay huchankumanta castigasaqpuni. Paykunam espada makintin mana llakipayarispa ayllunku Israelta qatikacharqaku. Piñakuyninkutapas mismirichispam cheqnikuyninkutapas tukuy tiempo hatallirqaku.

Amós 1:11 Iomraidhean Croise

2~Crónicas 20:10

Kunanmi Amonpa churinkuna, Moabpa mirayninkuna, Seir orqopi yachaqkuna, kaypiña kachkanku. Israel llaqtaykita Egiptomanta hurqomuspaykim paykunapa allpanta pasamunanta mana munarqankichu, chay llaqtakunata mana wañurachinankupaqmi llaqtaykita huklaw ñanninta pusarqanki.

2~Crónicas 20:11

Chaywanpas kunanqa paykunañam kay qowasqaykiku allpamanta qarqowaykuta munachkanku.

2~Crónicas 28:17

Chay-nataqa ruwarqa Edom runakuna kaqmanta hamuruspanku Judá nacionpi kaqkunata atacaruspa achkaqta presocharuspa aparusqankuraykum.

Eclesiastés 7:9

Amayá chayllaqa piñakuruychu, chaylla piñakuruyqa mana yachayniyuqkunapa ruwayninmi.

Isaías 57:16

Manam wiñaypaqchu llaqtaywan churanakusaq, nitaqmi wiñaypaqchu paykunapaq piñakusaq, mana chayqa llapa runakunawan lliw unanchasqaykunam qayllaypi hukmanyanmanku.

Oseas 8:3

Israelpa mirayninkunam allin kaqta wischupakurunku, chayraykum enemigonkuna qatikachanqa.

Joel 3:19

Egipto nacionpas purmachisqam kanqa, Edom nacionpas mana imapa kanan chunniqñam kanqa; Judá runakunata ñakarichispanku allpanpipas inocente runakunapa yawarninta chaqchusqankurayku.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Malaquías 1:4

Esaupa miraynin Edom runakunam ninku: “Tuñirachiwaptinchikpas musoqmantam purmachisqa nacionninchiktaqa hatarichisun”, nispanku. Ichaqa Tukuy Atiyniyuq Tayta Diosmi kaynata nin: “Huktawan hatarirachiptikichikpas yapamantam purmarachisqaykichik. Hinaptinmi nacionnikichik sutichasqa kanqa mana allinpa kanan nacionwan hinaspa Tayta Diospa wiñaypaq ñakasqan nacionwan”, nispa.

Efesios 5:1

Diospa kuyasqan churinkunam kankichik, chaynaqa payman rikchakuqyá kaychik.

Deuteronomio 23:7

Edomitakunatam ichaqa ama cheqninkichikchu, paykunaqa castaykichikmi. Egipto runakunatapas amataqmi cheqninkichikchu, paykunapa allpanpim qamkuna yacharqankichik.