Amós 1:1 - CHUYA QELLQA La Biblia en Quechua de Ayacucho 2012

¹ Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Quechua Ayacucho Bible 1987

¹ Uziasmi karqa Juda nacionpa reynin, Joaspa churin Jeroboamñataqmi karqa Israel nacionpa reynin, paykunapa gobiernasqan punchawkunapim iskay wataraq temblorpaq faltachkaptin Israel naciontaqa imam pasananmanta Amos willakurqa, payqa karqa Tecoa lawpi michiqkunapa hukninmi. Tayta Diospa revelasqantamá kaynata nirqa:

Chuya Qellqa 1992

¹ Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Amós 1:1 Iomraidhean Croise

2~Samuel 14:2

Chaymi Tecoa llaqtamanta sakri warmita pusachimuspa Joab nirqa: Ama hina kaspayá wañuchikuq warmi hina luto pachawan churakuspayki ama aceitewanpas tallikuspa, aswanqa wañukuqninmanta unayña llakikuq warmiman rikchakuy.

1~Reyes 19:19

Chaymanta lloqsispanmi Eliasqa, Safatpa churin Eliseota tarirurqa ya-puchkaqta. Chunka iskayniyuq yunda-kunamantam payñataq huknin yundawan qepallataña yapurqa. Eliasñataqmi Eliseopa waqtanta pasachkaspan capanwan Eliseota capaykachirqa.

2~Reyes 14:21

Hinaptinmi Judá nacionpi runakunaqa, Amasiaspa rantinpi churin Azariastaña rey kananpaq churarurqaku. Azariasqa chunka soqtayuq watanpim kachkarqa.

2~Reyes 14:23

Judapa reynin Joaspa churin Amasías chunka pichqayuq wataña munaychakuchkaptinmi, Joaspa churin Jeroboam Israelpi munaychakuyta qallaykurqa. Tawa chunka hukniyuq watam Samaria llaqtapi munaychakurqa.

2~Crónicas 11:6

Chay hatarichisqan llaqtakunam kaykuna: Belén, Etam, Tecoa,

2~Crónicas 20:20

Paqarinnintinmi Tecoa chunniqman lloqsirqaku, chaymi lloqsichkaptinku rey Josafat sayarispan nirqa: Judá runakuna hinaspa Jerusalenpi kaqkuna uyariwaychik: Tayta Diosman hapipakuptikichikqa yanapawasunmi, profetakunapipas hapipakuychiktaq, hinaptinqa imapas allinmi lloqsisunkichik, nispa.

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Isaías 1:1

Judá nacionpi rey Uziaspa, rey Jotampa, rey Acazpa hinaspa rey Ezequiaspa munaychakusqanku punchawkunapim, Judá nación chaynataq Jerusalén llaqta imaynam kananmanta Amozpa churin Isaiasman visionpi Tayta Dios qawachirqa.

Jeremías 1:1

Kaykunam Benjamín law Anatot llaqtapi yachaq sacerdotekunamanta kaq Hilciaspa churin Jeremiaspa rimarisqankunawan ruwasqankuna.

Jeremías 28:8

Ñawpaq watakunapim, qamtapas ñoqatapas mamanchik manaraq wachakuwachkaptinchik, llapa profetakuna rimarqaku achka nacionkunapa chaynataq hatun munayniyuqkunapa contranpi; paykunaqa rimarqaku chay nacionkuna guerrawan, sasachakuywan hinaspa peste onqoykunawan ñakarichisqa kananmantam.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Jeremías 7:27

Yaw, Jeremías, mana kasusunayki kaptinpas, tukuy kaykunata paykunaman willamuy. Paykunam ichaqa qapariptikipas mana uyarisunkichu.

Oseas 1:1

Judá nacionpi Uzías, Jotam, Acaz hinaspa Ezequías rey kachkaptinkum; chaynallataq Joaspa churin Jeroboampas Israelpi rey kachkaptinmi, Beeripa churin Oseasta Tayta Dios rimapayarqa.

Amós 7:14

Hinaptinmi Amós nirqa: Ñoqaqa manam profetachu kani nitaqmi profetapa churinchu, aswanqa ovejata michispa purun higosta huñukuqllam kani.

Miqueas 1:1

Judá nacionpi rey Jotam, rey Acaz hinaspa rey Ezequías munaychakuchkaptinkum, Moreset llaqtayuq Miqueasta visionpi Tayta Dios rimapayarqa, Samaria llaqtatawan Jerusalén llaqtata imam pasananmanta.

Zacarías 14:5

Qamkunañataqmi chay hatu-hatun wayqoman ayqenkichik, chay wayqom chayanqa Azal lawkama. Ayqenkichikqa Judá nacionpi rey Uzías munaychakuchkaptin terremoto pasaptin ayqesqaykichikpi hinam. Hinaptinmi Señorniy Tayta Diosqa llapa salvasqankunapiwan hamunqa.

Mateo 4:18

Galilea qochapa patanta richkaspanmi Pedrowan sutichasqa Simontawan wawqen Andresta Jesús rikururqa, paykunam chall-waqkuna kasqankurayku mallawan chall-wachkarqaku.

1~Corintios 1:27

Aswanqa kay pachapi mana yachayniyuqkunatam Dios akllarqa, chaynapi yachayniyuqkunata penqayman churananpaq. Akllarqataqmi kay pachapi mana atiyniyuqkunatapas, chaynapi atiyniyuqkunata penqayman churananpaq.