Abdías 1:5 - CHUYA QELLQA La Biblia en Quechua de Ayacucho 2012

⁵ Suwakunaña tutan hamususpaykipas, ¿manachum paykunaqa munasqan kaqllata apanmanku? Uvas pallaqkunaña yaykumususpaykipas, ¿manachum asllatapas maskapakunapaq puchuykunmanku? Qamtam ichaqa enemigoykikuna pasaypaqta tuñirachisunki.

Quechua Ayacucho Bible 1987

⁵ Suwakuqkuna qanman hamususpaykiqa, salteaqkuna tutan hamususpaykiqa ¿manachum kamaqllata suwakurunmanku? Uvas pallaqkuna yaykumususpaykiqa ¿manachum maskapakuqkunapaq puchuykachinmanku? Pasaypaqtam wakchayarachisunki enemigoykikunaqa.

Chuya Qellqa 1992

⁵ Suwakunaña tutan hamususpaykipas, ¿manachum paykunaqa munasqan kaqllata apanmanku? Uvas pallaqkunaña yaykumususpaykipas ¿manachum asllatapas maskapakunapaq puchuykunmanku? Qamtam ichaqa enemigoykikuna pasaypaqta tuñirachisunki.

Abdías 1:5 Iomraidhean Croise

2~Samuel 1:19

¡Israel, atiynikim wichirun, sumaq kaynikim orqokunapi tukurun! ¡Allinnin qari-qari soldadokunam wichirun!

Isaías 14:12

Achikyaq chaska ¡Imaynamá cielomantaqa wichiykamunki! Nacionkunata purmachiq kachkaspaykiqa, ¡imaynamá kay pachamanqa wischurachikamunki!

Isaías 17:6

Imaynam aceitunata pallaruptinku iskay-kimsa rurullaña qeparun, otaq allin ruruq kallmapi tawa pichqallaña puchurun, chayman rikchakuqmi kanqa. Israelpa yupaychasqan Tayta Diosmi chaynata nin.

Isaías 24:13

Kay pachapi nacionkunam kayna kanqa: Imaynam aceitunasta waqtapaspa cosecharusqanku hinam kanqa, otaq uvas cosechayta tukuruptinku maskaparusqanku hinam kanqa.

Jeremías 49:9

Uvasta cosechaspaqa maskapakunankupaqmi puchunku, suwakunapas tuta hamuspankuqa kamallatam apakunku.

Jeremías 50:23

Nacionkunata tuñichiq martilloman rikchakuq Babilonia nacionmi pakipasqa rikurirun, ¡Babilonia llaqta purmarusqanwanmi llapa nacionkuna mancharisqallaña kachkanku!

Jeremías 6:9

Tukuy Atiyniyuq Tayta Diosmi kaynata nin: Israelmanta puchuqkunatam maskaypaq maskaykunqaku, imaynam uvasta suma-sumaqta pallapachkaq hina.

Lamentaciones 1:1

¡Ay, Jerusalén llaqtam, achkallaña runayuq llaqtam, sapallanña qeparun! ¡Nacionkunapa ancha reqsisqan llaqtam, viuda hinaña rikurirun! ¡Nacionkunapi munaychakuq llaqtam, esclavoña rikurirun!

Abdías 1:9

Temán llaqtapi allinnin qari-qari soldadokunapas manchakuymantam katkatatanqaku, Esaupa orqonkunapi yachaqkunapas pasaypaq tukusqam kanqaku.

Miqueas 7:1

¡Ay, imallapiraq rikukuni! Cosecharuptinku pallapakuq hinam rikuriruni, uvasta pallaparuptinku, mikuykuyta munaspa chulla rurullatapas mana tariq hinam rikuriruni.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Deuteronomio 24:21

Uvasnikita pallaspaqa amañam pallapankichu. Puchuqkunataqa huklaw llaqtayuqkunawan mana tayta-mamayuqkuna chaynataq viudakuna pallapakunanpaqmi saqenki.

Apocalipsis 18:10

Castigota manchakuspankum karullamanta nichkanku: ¡Ay, ay, imaynaraq kanki, Babilonia hatu-hatun llaqta! Sinchi hatun tukuq llaqta, huk ñawi qemchiyllatam puchukayniki chayaramunqa, nispanku.