Abdías 1:18 - CHUYA QELLQA La Biblia en Quechua de Ayacucho 2012

¹⁸ Jacobpa mirayninkunam nina hina kanqaku, Joseypa mirayninkunam lenwachkaq nina hina kanqaku, hinaspam Esaupa mirayninkunata qopata hina ruparunqaku, Esaupa mirayninkunaqa lliwmi wañunqaku. Tayta Diosmi chaynata nin.

Quechua Ayacucho Bible 1987

¹⁸ Jacob casta runakunaqa nina hinañam rikurirunqaku. Josey casta runakunaqa lenguachkaq ninamanñam rikchakunqaku. Esau casta runakunaqa qopa hinañam rikurirunqaku. Rupachisqam kanqaku paykunaqa. Chinkachisqam kanqaku paykunaqa. Manañam pipas puchunqachu Esaupa castankunamantaqa. Ñoqa Tayta Diosmi nini chaynata.

Chuya Qellqa 1992

¹⁸ Jacobpa mirayninkunam nina hina kanqaku, Joseypa mirayninkunam lenwachkaq nina hina kanqaku, hinaspam Esaupa mirayninkunata qopata hina ruparunqaku, Esaupa mirayninkunaqa lliwmi wañunqaku, Tayta Diosmi chaynata nin.

Abdías 1:18 Iomraidhean Croise

2~Samuel 19:20

Kay serviqnikim huchallikusqayta reqsikuspay kunanpas José casta runakunamanta puntataraq hamurqani qam reynillayta chaskiykunaypaq, nispa.

Éxodo 5:12

Chaymi Israel runakuna, Egipto nacionpi kayman chayman cheqerispanku, pajapa rantinpi rastrojotaña huñumurqaku.

Isaías 10:17

Israelpa achkiqnin Tayta Diosmi lenwachkaq ninaman tikrakunqa, huk punchawllapi ruparuspam nacionpi tukuy rikchaq kichkakunatawan qorakunatapas chinkarachinqa.

Isaías 31:9

Mancharikuymantam manaña kallpayuq rikurinqaku, capitanninkunapas banderankuta saqespam ayqekunqaku, Tayta Diosmi chaynata nin. Paypaqqa Sión moqopim lenwachkaq ninan kachkan. Jerusalén llaqtapiñataqmi hornon kachkan.

Isaías 47:14

Paykunaqa qopa hinallam, ninapa rupasqanmi tukurunqaku; ninamantaqa manam lluptiyta atinqakuchu, chay ninaqa manam ladonpi tiyaspa qonikunapaq sansallachu.

Isaías 5:24

Imaynam qopata chaylla nina ruparun, imaynam chaki pastota lenwachkaq nina ruparun, chaynam qamkunapas sapinmanta tukusqa kankichik, wayrapa apasqan chaki wayta hina tukusqam kankichik. Chaynaqa, kankichik, Tukuy Atiyniyuq Tayta Diospa yachachikuyninta mana kasukusqaykichikraykum, Israelpa Chuya Diosninpa kamachikuyninkunata wischupakusqaykichikraykum.

Isaías 9:18

Mana allinqa, tukuy rikchaq kichkakunata qorakunata ratachkaq nina hinam, monte sachakunatapas ruparuptinmi chusñankunapas qosninpa chawpinta muyurispa-muyurisparaq wichayman hoqarikun.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Jeremías 11:23

Manam paykunamantaqa hukllapas puchunqachu. Anatot llaqtapi runakunamanqa castiganay punchawpim hatun sasachakuyta kachamusaq, nispa.

Ezequiel 37:16

Runapa churin, huk kaspita hapiykuspa hawanpi kaynata qellqay: “Kayqa Judapaqwan hukllawakuqnin wakin Israelpa miraykunapaqmi”, niqta. Huk kaspitapas hapispa chaypa hawanpi kaynata qellqay: “Kayqa Joseypa rantinpi kaq Efrainpaqwan hukllawakuqnin Israelpa wakin mirayninkunapaqmi”, niqta.

Ezequiel 37:19

ñoqa Tayta Diospa nisqaytam kaynata ninki: Ñoqam hapisaq Efrainpa makinpi kaq Joseypa kaspinta chaynataq hukllawakuqnin Israelpa mirayninkunatapas, hinaspaymi Judapa kaspinman hukllawaykusaq, iskayninkutam hukllataña ruwasaq, chaynapim makiypi hukllaña kanqaku, nispayki.

Joel 2:5

Orqonkunata pawasqankupas carretakunapa qapariynin hinaraqmi uyarikun, chapra kañasqa toqyachkaq hinaraqmi uyarikun. Paykunaqa rikchakun guerrapaq alistasqa kallpasapa tropakunamanraqmi.

Amós 1:8

Asdod llaqtapi yachaqkunatam chinkarachisaq, Ascalón llaqtapi kamachikuqkunatam tukurusaq; lliw atiyniywanmi Ecrón llaqtata castigarusaq, Filistea nacionpi puchuq runakunatam puchukarachisaq. Tayta Diosmi chaynata nin.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Amós 6:6

Hatun vasokunapim vinota upyakunkichik, suma-sumaq perfumekunawanraqmi llusikunkichik, ichaqa manam llakikunkichikpaschu Joseypa ñakariyninmantaqa.

Abdías 1:16

Imaynam sapaqchakusqay orqopi llaqtay ñakarirqa, chaynam llapa nacionkunapas mana samaykuspa ñakarinqaku, ñakariyninkuta millpuypaq-millpuspam pasaypaqta chinkarunqaku.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Nahúm 1:10

Kichka hina wankuy-wankuyña kaspankupas sinkakuyninkupa nuyusqanña kaspankupas chakisqa qopa hinam kañasqa kanqaku.

Zacarías 12:6

Chay punchawpim Judá nacionpi kamachiqkunata yanta chawpipi sansata hina ruwarusaq chaynataq gavillakunapa chawpinpi ratachkaq ninata hina, hinaptinmi muyuriqninpi nacionkunata alleq lawman ichoq lawman paykuna kañanqaku. Jerusalenpi runakunañataqmi hina llaqtankupi yachanqaku.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

1~Corintios 3:12

Sichum pipas kay cimientopa hawanpi perqanman qoriwan, qollqewan, alhaja rumiwan, tablawan, pajawan chaynataq soqoswanpas,