Abdías 1:15 - CHUYA QELLQA La Biblia en Quechua de Ayacucho 2012

¹⁵ Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

Quechua Ayacucho Bible 1987

¹⁵ Ñam hichpaykamuchkanña lliw nacionkunata ñoqa Tayta Diospa castiganay punchawqa. Imaynam rurasqaykichikman hinam qamkunawanpas rurasqa kanqa. Imam rurasqaykichikman hinam qamkunamanpas pagasqa kanqa.

Chuya Qellqa 1992

¹⁵ Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

Abdías 1:15 Iomraidhean Croise

Ester 9:25

Ichaqa reypa ñawpaqninman reina Ester hamuruspa mañakuptinmi, reyqa huk decretota kamachikurqa, judiokunapa contranpi Amanpa mana allinkuna tanteasqan kikillanman wichiykunanpaq. Chaynapim Amanqa churinkunapiwan warkunapi warkurachikurqaku.

Jobwan Sutichasqa Libro 24:1

Sichum tiempokuna Tukuy Atiyniyuq Diospa reqsisqallan kaptinqa ¿imanasqataq reqsiqninkunaqa mana rikunkuchu?

Proverbios 5:22

Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Jeremías 12:14

Israelpa mana allin vecinonku-namantam Tayta Dios kaynata nin: Israelman qosqay allpa qechuqkunatam maymi kasqankumanta hurqorusaq. Judá llaqtaytapas paykuna ukumantam hurqomusaq.

Jeremías 49:12

Ñoqa Tayta Diosmi kaynata nini: Mana castiganaypaq kaq nacionkunata castigachkaptiyqa, qamqa manam imaraykupas chay castigomanta lluptinkichu, aswanqa castigasqapunim kanki.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 51:56

Babiloniata tuñichiqkunam hamurunku, tropankunatam presocharunku, flechananku arcotam pakiparunku. Tayta Diosqa imam ruwasqankuman hinam pimanpas pagapun.

Ezequiel 30:3

Chay punchawmi chayamuchkanña, Tayta Diospa punchawninmi chayamuchkanña. Chay punchawqa puyupa pampaykusqanmi kanqa, nacionkuna castigasqa kanan punchawmi kanqa.

Ezequiel 35:11

Ichaqa ñoqa Tayta Diosmi kaynata nini: Imaynam Israelta cheqnikuyllawanña hinaspa piñakuyllawanña ruwasqaykita hinam qamtapas ruwasqayki. Qamta castigaruptiymi pim kasqayta reqsiwanqaku.

Ezequiel 35:15

Israelpa mirayninkunapa herencianku allpa purmachisqa kaptinmi kusikurqanki, chaynatapunim qanwanpas ruwasaq: Seir orqom purmachisqa kanqa, Edom nacionmi purmachisqa kanqa. Chaynapim Tayta Dios kasqayta yachanqaku.

Joel 1:15

Tayta Diospa punchawninmi hichpamuchkanña, ¡imaynaraq chay punchaw kanqa! Tukuy Atiyniyuqmantam puchukay hamuchkan.

Joel 2:1

Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Joel 2:11

Tropankunapa ñawpaqninpim Tayta Diosqa rayo hinaraq qaparin, tropankunaqa mana yupay atinam, paypa kamachisqanta ruwanankupaq atiyniyuqmi; ¡mayna manchakuypaqmi Tayta Diospa punchawninqa! ¿Pitaq chay punchawta aguantayta atinman?

Amós 5:18

¡Ay, imaynaraq kankichik! Diospa punchawnin chayamunanta munaqkuna. ¿Imapaqtaq Diospa punchawnin chayamunanta munankichik? Chay punchawqa kanqa tutayaymi, manam achkiychu.

Amós 5:20

¿Manachum Diospa punchawninqa kanqa mana imayrikuqllapas achkiyuq aswanqa ancha-ancha tutayay?

Miqueas 5:15

Mana kasuwaqniy nacionkunamantam sinchi piñakuywan vengakusaq, nispa.

Habacuc 2:8

Llapa nacionkunata wakchayachisqaykimantam llapa nacionkunapas wakchayachisunki. Runakunata wañuchisqaykimantam, llaqtakunata nacionkunata ñakarichisqaykimantam, qampas ñakarichisqa kanki.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Jueces 1:7

Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.