Abdías 1:11 - CHUYA QELLQA La Biblia en Quechua de Ayacucho 2012

¹¹ Jerusalenman enemigonkuna yaykuspa tropankunata presochaspa apaptinpas qamqa qawayllam qawakurqanki; punkunta huklaw nacionkuna yaykuspan Jerusalenta partenakunankupaq sorteaptinkupas paykunamanraqmi sayapakurqanki.

Quechua Ayacucho Bible 1987

¹¹ Enemigokuna Jerusalenpa kapuqninkunata suwakuptinkum qamkunaqa qawaylla-qawakurqankichik. Huklaw nacionniyoqkuna llaqtapa zaguanninta yaykuptinmi qamkunaqa qawaylla-qawakurqankichik. Suwakuspa suerteaptinkum qamkunapas paykuna hinaraq karqankichik.

Chuya Qellqa 1992

¹¹ Jerusalenman enemigonkuna yaykuspa tropankunata presochaspa apaptinpas qamqa qawayllam qawakurqanki; punkunta huklaw nacionkuna yaykuspan Jerusalenta partenakunankupaq sorteaptinkupas paykunamanraqmi sayapakurqanki.

Abdías 1:11 Iomraidhean Croise

2~Reyes 25:11

Hinaspanmi reyta waqaychaq soldadokunapa capitannin Nabuzaradanqa Jerusalén llaqtapi puchuqkunatawan, Babilonia nacionpa reyninman kuskanchakuruq runakunata chaynataq wakin runakunatapas presocharuspan aparqa;

Ezequiel 35:10

Qanmi nirqanki: “Israelpa mirayninkunapa iskaynin nacionninqa ñoqapañam kanqa, Tayta Dios chaypi kachkaptinpas ñoqam hapikuykusaq”, nispayki.

Joel 3:3

Paykunaqa churiykunatapas sorteaspam rakinakurqaku qari warmakunatapas huk chuchumikapaqmi cambiarurqaku; warmi warmakunatañataqmi vinowan sinkanankupaq rantikururqaku.

Amós 1:6

Tayta Diosmi kaynata nin: Gaza llaqtapi yachaqkunatam llumpa-llumpay huchankumanta castigasaqpuni. Llaqtantin runakunata presocharuspa Edom llaqtapi esclavopaq rantikusqankumanta.

Amós 1:9

Tayta Diosmi kaynata nin: Tiro llaqtapi yachaqkunatam llumpa-llumpay huchankumanta castigasaqpuni. Wawqentin hina kuyanakunankupaq contrato ruwasqankuta qonqaykuspa llaqtantin runakunata presochaspa Edonman apasqankumanta.

Nahúm 3:10

Chaywanpas Tebastaqa presotam aparqaku, warmankunapas callekunapa esquinankunapi waqtasqam wañurqaku. Ancha reqsisqa runankunatapas suerteta choqaspam rakinakurqaku, kamachiqninkunapas cadenasqam karqaku.

Sofonías 2:10

Chaykunam pagon kanqa Moab runakunapaqwan Amón castakunapaq, Tukuy Atiyniyuq Tayta Diospa llaqtanta kamispa allpankutapas Diospa llaqtanpa allpanwan mirachikusqankurayku.