3~Juan 1:10 - CHUYA QELLQA La Biblia en Quechua de Ayacucho 2012

¹⁰ Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.

Quechua Ayacucho Bible 1987

¹⁰ Chaymi rispayqa payta qaqchasaq contraykupi imaymana rimasqanmanta. Rimasqanwanpas mana saksaspanmi watukuq riq iñiqkunatapas mana chaskiykunchu hinaspam samaykachiy munaqkunatapas harkakuspanraq qarqon huñunakuymanta.

Chuya Qellqa 1992

¹⁰ Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.

3~Juan 1:10 Iomraidhean Croise

Proverbios 10:10

Runamasin qemchiq runaqa sasachakuytam apamun, mana yachaywan rimaqñataqmi mana allinpi tukunqa.

Proverbios 10:8

Yachayniyuq runaqa kamachikuytam kasukun, kutipakuq runañataqmi mana allinpi tukunqa.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Hechos 1:15

Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

2~Corintios 13:2

Ñawpaqta hamuspaymi huchapi purikuqkunata anyarqani, kunanpas mana chaypi kachkaspaypas huchapi puriqkunataqa llapallantam anyamuni. Huktawan watukamuspayqa chay runakunataqa castigasaqpunim.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

1~Timoteo 5:13

Mana imapas ruwananku kaptinmi wasin-wasin purinmanku, cuento qepi rikuriruspankum yanqakunaman chapukunmanku mana rimanakunata rimaspa.

2~Juan 1:10

Sichum pipas qamkuna-man hamuspa mana Jesucristopa yacha-chikuynintachu apamusunkichik hinaptinqa amayá chaskiychikchu nitaq “yaykukamuy” niychikchu.

2~Juan 1:12

Achkam qamkunaman qellqamunay kachkan, ichaqa manam cartallawanqa lliwtaqa nimuykichikmanchu, chaymi piensachkani watukamuspayña qamkunawan rimayta, chaynapi anchata kusikunanchikpaq.

3~Juan 1:3

Cheqap yachachikuykunaman hina kawsasqaykimantam iñiqmasinchikkuna hamuspanku willawarqaku, chaymi llumpayta kusikurqani.

3~Juan 1:5

Kuyasqay wawqelláy, allintapunim ruwachkanki iñiqmasinchikkunata yanapaspaykiqa, karu llaqtayuqkunata yanapaspaykiqa aswan allintaraqmi ruwachkanki.