2~Timoteo 3:2 - CHUYA QELLQA La Biblia en Quechua de Ayacucho 2012

² Runakunam kanqaku kikillanpaq munaqkuna, qollqella kuyaqkuna, hatun tukuqkuna, Dios insultaqkuna, mama-taytanku mana kasukuqkuna, mana reqsikuqkuna, huchallapi purikuqkuna,

Quechua Ayacucho Bible 1987

² Runakunam kanqaku kikillanpaq munaqkuna, qollqella kuyaqkuna, hatun tukuspa alabakuqkuna, Dios insultaqkuna, mama-taytanku mana kasuqkuna, mana reqsikuqkuna, huchallapi purikuqkuna,

Chuya Qellqa 1992

² Runakunam kanqaku kikillanpaq munaqkuna, qollqella kuyaqkuna, hatun tukuqkuna, Dios insultaqkuna, mama-taytanku mana kasukuqkuna, mana reqsikuqkuna, huchallapi purikuqkuna,

2~Timoteo 3:2 Iomraidhean Croise

Proverbios 6:17

Hatun tukuyta, llullakuyta, mana huchayuq runa wañuchiyta,

Isaías 10:15

¿Yaqachu hacha alabakunman paywan kuchuqmanta masta? ¿Serruchopas hatun tukunmanchu paywan kuchuqninpa contranpi? ¿Kaspimanta tawnaqa yaqachu kamachinman apaqninta?

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Mateo 15:6

Pipas chayna niqqa manañam tayta-mamanta yanapananñachu, nispaykichik. Chaynata yachachispam Diospa kamachikuyninta yanqacharunkichik costumbrekichikta ruwanaykichikrayku.

Lucas 12:15

Nirqataqmi: Qollqella kuyaymanta cuidakuychik. Runaqa manam tukuy imayuq karuspachu allinta kawsanqa, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Hechos 5:36

Ñawpaq punchawkunapim Teudas hatarirurqa ancha reqsisqapaq hapikuspan. Paytam qatirqaku yaqa tawa pachak runakuna ichaqa wañurachiptinkum qatiqninkunapas lliw cheqerurqaku, chaynapim yanqapaq karqa.

Romanos 11:18

Chaynaqa, judiokuna kuchusqa kallmakuna hina kaptinkupas amayá qamkunaqa hatunchakuychikchu. Qamkunaqa kallmakunallam kankichik, manam kallmankunachu sapinkunataqa kawsachin aswanqa sapinkunam llapallan kallmankunataqa kawsachin.

2~Corintios 5:15

Cristoqa llapallanchikpaqmi wañurqa, chaynapi kawsaqkunapas manaña kikillanchikpaq kawsaspa Cristopaqña kawsananchikpaq, payqa wañukuspanmi kawsarimurqa.

Filipenses 2:21

lliwpas paykunaqa kikillankupa allinninkuta maskaspam purinku, Jesucristopa munasqanta mana maskaspanku.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

1~Timoteo 1:20

Chaynatam Himeneowan Alejandropas pantarurqaku. Chaymi Diospa contranpi manaña rimanankupaq Satanasman qoykuni.

1~Timoteo 1:9

Yachasqanchikpi hinapas leyqa qosqa karqa manam allin ruwaq runakunapaqchu, aswanqa leyta qepanchaqkunapaqmi, mana kasukuqkunapaqmi, millay ruwaqkunapaqmi, huchasapakunapaqmi, Diosta mana manchakuqkunapaqmi, tayta-maman wañuchiqkunapaqmi, runa wañuchiqkunapaqmi,

1~Timoteo 3:3

upyakuykunapi mana purikuqmi, peleollapi mana purikuqmi, pacienciakuqmi, mana atipanakuqmi, qollqellaman mana qokuruqmi.

1~Timoteo 6:10

Qollqella kuyayqa tukuy mana allin ruwaykunapa qallariyninmi. Achkaqmi qollqeta kuyaruspanku Diosman iñisqankumantapas karunchakurunku, hinaspam sasachakuykunapiwan ñakariykunapi tarikunku.

1~Timoteo 6:4

chayqa, hatun tukuqmi, mana imapas yachaqmi, muspaypi hina rimakuspa atipanakuqmi, chayna atipanakuykunamantam mirarun envidianakuykuna, piñanakuykuna, kaminakuykuna hinaspa hukman piensaykuna,

2~Timoteo 3:4

runamasin traicionaqkuna, loco hina ruwaqkuna, añañankakuna hinaspa Diosta maskananku kachkaptinpas aychankupa munasqallan maskaqkuna,

Santiago 2:8

Cheqaptapunipas sichum Qellqapa nisqanman hina: “Kuyankim runamasikita kikikita hina” nisqan cheqap leyta kasukuspaqa allintam ruwachkankichik.

Santiago 4:16

Qamkunam ichaqa hatun tukuspa kikillaykichikmanta alabakunkichik, chayna hatun tukuyqa manam allinchu.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

2~Pedro 2:10

Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

2~Pedro 2:12

Chayna runakunaqa animalkuna hina mana yuyayniyuqmi hinaspa kikillankupaq munasqallanpi kawsaqkunam kanku, nacemurqakupas hapispa wañuchisqa kanankupaqmi, rimankupas mana yachas-qankutam, ichaqa animalkuna hinam wañunqaku,

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.

Judas 1:16

Paykunaqa runamasinpa qepan-pim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 16:11

chaywanpas mana allin ruwayninkumantaqa manam wanakurqakuchu, paykunaqa aswanraqmi hanaq pachapi kaq Diosta kamirqaku, chaynataqa kamirqaku nanaywan kasqankuraykum hinaspa uta hina onqoyniyuq kasqankuraykum.

Apocalipsis 16:21

Cielomantam llapa runakunapa hawanman tawa chunka kilo llasayniyuq runtu para chayamurqa, hinaptinmi runakunañataq Diosta kamirqaku, kamirqakuqa hatu-hatun castigo runtu para chayachimusqanmantam.

Apocalipsis 16:9

Chaymi llapallan runakuna kañasqa karqaku, ichaqa manam Diosmanpas kutirikurqakuchu nitaqmi yupaycharqakuchu, aswanraqmi paykunaqa kay castigokuna apachimuq Diostapas mana allinkunata rimaspanku kamirqaku.