2~Timoteo 2:2 - CHUYA QELLQA La Biblia en Quechua de Ayacucho 2012

² Achka runakunapa qayllanpi uyariwasqaykita, iñiyninpi allin takyaq runa-kunaman yachachiy, chaynapi paykunapas hukkunaman yachachinankupaq.

Quechua Ayacucho Bible 1987

² Achka runakunapa qayllanpi uyariwasqaykitayá yachachiy confianzayoq runakunaman chaynapi paykunapas hukkunaman yachachinankupaq.

Chuya Qellqa 1992

² Achka runakunapa qayllanpi uyariwasqaykita, iñiyninpi allin takyaq runakunaman yachachiy, chaynapi paykunapas hukkunaman yachachinankupaq.

2~Timoteo 2:2 Iomraidhean Croise

Esdras 7:10

Esdrasmi sonqonta kicharirqa Tayta Diospa kamachikuyninta sumaqta yachananpaq, ruwayman churananpaq hinaspa Israelpa mirayninkunaman yachachinanpaq.

Esdras 7:25

Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Nehemías 7:2

Jerusalenpi kamachikunanpaqmi wawqey Hananita churarqani, Hananiastañataqmi reypa palacionpi kamachikunanpaq, paytaqa churarqani confianza runa kaptinmi chaynataq Tayta Diostapas manchakusqanraykum.

Proverbios 13:17

Mana allin willakuq runaqa sasachakuytam apamun, imam kaqta willakuq runam ichaqa hampi hina.

Jeremías 23:28

Pipas mosqoruspaqa chay mosqorusqantayá willakuchun, pipas rimasqayta uyarispaqa imam kaqtayá willakuchun. Trigotawan pajataqa manam hukllawanachu.

Levítico 14:42

Hinaspam wischuchisqan rumikunapa rantinpi huk rumikunataña churachinqa, perqakunatapas musoqmantam mituwan laqapachinqa.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Números 12:7

Serviqniy Moiseswanmi ichaqa mana chaynatachu ruwasaq, payqa llapan serviqniykunamantapas mastam ñoqapi hapipakun.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 24:25

Qamkunataqa ñawpaqmantaraqmi nirqaykichikña.

Lucas 12:42

Chaymi Señorñataq nirqa: ¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

1~Corintios 4:2

Allin mayordomoqa patronpa kamachisqantam cumplin.

2~Corintios 2:14

Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

2~Corintios 3:5

Manam ñoqaykuqa kikiykumanta ruway atiq hinachu, aswanqa tukuy ima ruwanaykupaq yachayqa Diosmantam hamun.

Colosenses 1:7

Chaykunataqa kuyasqanchik wawqenchik Epafrasmi yachachisurqankichik. Payqa qamkuna ukupi mana hukmanyaspa Jesucristo serviqmi.

1~Timoteo 1:12

Señorninchik Jesucristom allinpaq hapiwaspan serviqnin kanaypaq akllaykuwarqa hinaspam kallpanchaykuwarqa, chaymi llumpayta agradecekuni.

1~Timoteo 1:18

Kuyasqay churiy Timoteo kaytam kamachimuyki: Ñawpaqmantaraq qanmanta profetizasqankuta yuyarispayá allin peleaq soldado hina mayna sasaña kaptinpas sunita sayay.

1~Timoteo 4:14

Qampi kaq Diospa atiynintaqa amayá qonqaruychu, chaytaqa profeciaman hina iglesiapi ancianokuna makinkuta hawaykiman churaykuspanku mañakuptinkum chaskirqanki.

1~Timoteo 4:6

Sichum kaykunata wawqe-panin-chikkunaman yachachispaykiqa, Jesu-cristopa allin serviqnin hinaspa iñisqanchik palabrakunapi allin yachayniyuqmi kanki, chay yachasqaykitam allinta qatichkanki.

1~Timoteo 5:22

Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.

1~Timoteo 6:12

Allin peleachkaq hinayá iñisqaykipi kallpanchakuy wiñay kawsayta haypanaykipaq. Chaypaqmi Dios qayasurqanki, iñisqaykimantapas willakurqankiñam achka testigokunapa qayllanpi.

2~Timoteo 3:10

Qanmi ichaqa yachachisqayman hapipakuspayki qatiwarqanki, imaynam kawsasqayta, imam munasqayta, iñiyniyta, pacienciakuq kasqayta, kuyakuq kasqayta, upallalla ñakarisqayta,

2~Timoteo 3:14

Qamyá ichaqa qaqa hina sayaspa yachasqaykikunata umaykipi waqay-chay, qamqa yachankim pikunam yachachisusqaykitapas.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

1~Samuel 2:35

Ñoqam ichaqa allin sacerdoteyta akllakusaq sonqoyman hinaspa munasqayman hina ruwaqta, mirayninpas allin takyaqmi kanqa; sapaqchakusqay reytam sapa punchaw servinqa.