2~Timoteo 1:5 - CHUYA QELLQA La Biblia en Quechua de Ayacucho 2012

⁵ Cheqap iñiyniyuq kasqaykitam yuyarini, abuelayki Loidawan mamayki Eunicepas ñawpaqmantaraqmi iñiyniyuq karqaku, chaymi confiakuchkani qampas chayna iñiyniyuq kasqaykimanta.

Quechua Ayacucho Bible 1987

⁵ Yuyachkanim cheqaptapuni Diosman iñisqaykita. Ñawpaqmantaraqmi iñikurqa abuelayki Loidawan mamayki Euniceqa chaymi confiakuchkani qampas chayna iñiyniyoq kasqaykimanta.

Chuya Qellqa 1992

⁵ Cheqap iñiyniyuq kasqaykitam yuyarini, abuelayki Loidawan mamayki Eunicepas ñawpaqmantaraqmi iñiyniyuq karqaku, chaymi confiakuchkani qampas chayna iñiyniyuq kasqaykimanta.

2~Timoteo 1:5 Iomraidhean Croise

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Juan 1:47

Jesusñataqmi Natanaelta rikuruspan nirqa: Kay hamuq runaqa cheqap israelitam, paypiqa manam ima engañopas kanchu, nispa.

Hechos 16:1

Pablopiwan Silasmi Derbe llaqtaman hinaspa Listra llaqtaman chayarurqaku. Chaypim Jesusman iñikuq Timoteo yacharqa. Paypa mamanmi karqa Jesucristoman iñikuq judía warmi, taytanñataqmi karqa Grecia lawmanta kaq.

Hechos 26:26

Rey Agripaqa yachanpunim tukuy kaykunataqa, chaymi paypa ñawpaqninpiqa cheqapta rimani. Sumaqtam yachan tukuy kaykunataqa, chaykunaqa manam pakasqallapichu pasakurqa.

Romanos 14:14

Señor Jesuswan huklla kaspaymi yachani ima mikuypas chuya kasqanta, aswanqa pipas chay mikuy millakuypaq kasqanta piensaptinqa paypaqchá millakuypaq kanqa.

Romanos 14:5

Wakinkuñataqmi ninku: Kay punchawmantaqa wak punchawmi aswan allinqa, nispanku. Wakinñataqmi lliw punchawkunata chaynallapaq hapinku. Chaynata tanteaspankuqa sapakamayá sonqonkupa nisqanman hina takyachunku.

Romanos 15:14

Wawqe-panillaykuna, ñoqaqa yachanim qamkunaqa allin runakuna kasqaykichikta hinaspa allin yachaypa huntasqan kasqaykichikta, chaywan allin consejokunata qonakunaykichikpaq.

Romanos 4:21

Chikantapas mana iskayrayaspam nikurqa: Diosqa llumpay atiyniyuqmi imam prometekusqantaqa cumplinqapunim, nispa.

Romanos 8:38

Chayraykum yachakuni, wañuypas, kawsaypas, angel-kunapas, mayna atiyniyuqkunapas, maynaña munaychakuqkunapas, kunan kaqpas, hamuq kaqpas,

2~Corintios 6:6

Chaynataq chuyanchakuspayku, cheqap kaqta reqsispayku, pacienciakuspay-ku, sumaq sonqo kaspayku, Chuya Espirituyuq kaspayku, cheqapta kuyaspayku,

1~Timoteo 1:5

Kay kamachikuykunaqa cheqaptapuni kuyanakunanchikpaqmi, chay kuyanakuyqa hamun, chuya sonqomanta, allin concienciayuqmanta hinaspa cheqap iñiyniyuqkunamantam.

1~Timoteo 4:6

Sichum kaykunata wawqe-panin-chikkunaman yachachispaykiqa, Jesu-cristopa allin serviqnin hinaspa iñisqanchik palabrakunapi allin yachayniyuqmi kanki, chay yachasqaykitam allinta qatichkanki.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Hebreos 11:13

Chayna iñiyllapim llapallan runakunaqa wañukurqaku Diospa promesanta manaraq chaskichkaspanku. Ichaqa iñiyninku kasqanraykum karullamanta qawaspanku kusikurqaku, chaynapim kay pachapiqa huklaw llaqtayuq hinaspa purikuqlla kasqankuta reqsikurqaku.

Hebreos 6:9

Kuyasqay wawqe-panillaykuna, chaynakunata rimachkaspapas ñoqaykuqa manam iskayrayanikuchu, salvakunaykichikpaq allin kaqkuna qamkunapi kasqanmantaqa.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.