2~Timoteo 1:10 - CHUYA QELLQA La Biblia en Quechua de Ayacucho 2012

¹⁰ Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

Quechua Ayacucho Bible 1987

¹⁰ Favorecewasqanchiktam kunan qawaykachiwanchik salvawaqninchik Jesucristopa hamusqanwan. Paymi wiñaypaq wañunanchikmanta libraykuwaspanchik allin noticianwan yachaykachiwanchik wiñaypaq.

Chuya Qellqa 1992

¹⁰ Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

2~Timoteo 1:10 Iomraidhean Croise

Isaías 43:3

Ñoqaqa salvaqniki Tayta Diosmi kani, Israelpa Chuya Diosninmi kani. Rantikipim Egipto nacionta pagarqani, rantikipim Etiopía naciontawan Seba nacionta qoykurqani.

Isaías 45:15

Cheqaptapunipas qamqa mana rikuna Diosmi kanki, qamqa Israel llaqtapa salvaqnin Diosmi kanki.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Lucas 11:36

Sichum cuerpoyki achkiypa huntasqan kaspan mana imaniraqllapas tutayayniyuq kaptinqa, tukuy imatam sutillata rikunki imaynam mecherowan rikusqaykita hina.

Lucas 13:7

Hinaspam chakra cuidaqta nirqa: “Kimsa watañam kay higospa rurun maskaq hamuni, ichaqa manam tarinichu. Kuchuruy amaña kichkichakunanpaq”, nispa.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Juan 1:9

Llapa runakunata kanchariq cheqap achkiymi kay pachaman hamurqa.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 20:31

Kaykunaqa qellqasqa karqa Jesusqa Diospa Churin Cristo kasqanta creenaykichikpaqmi, creespaykichikñataq payrayku wiñay kawsayniyuq kanaykichikpaq.

Juan 4:42

Hinaspankum chay warmita nirqaku: Manam qampa nisqallaykiwanñachu creenikuqa, aswanqa kikiykupunim uyariykuniku, hinaspam payqa cheqaptapuni kay pachapi runakuna salvaq kasqanta yachaykuniku, nispanku.

Juan 5:40

Chaywanpas wiñay kawsayniyuq kanaykichikpaqqa manam ñoqaman hamuyta munankichikchu.

Hechos 13:23

Davidpa mirayninmantam Jesús nacemurqa. Paytam Dios Tayta kachamurqa Israelpa llapallan mirayninkunata salvananpaq, ñawpaq taytanchikkunaman prometesqanman hina.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Romanos 16:26

Kunanqa profetakunapa qellqasqanwanmi llapallan nacionkunaman qawachisqaña kachkan. Chaymi wiña-wiñaypaq kawsaq Dios kamachiptin llapallan nacionkunapipas kay allin noticiataqa yachankuña, iñikuspa kasukunankupaq.

Romanos 2:7

Haykam allin ruwaypi takyaspa alabasqa kayta, hatunchasqa kayta hinaspa mana haykapipas wañuyta maskaqkunamanmi wiñay kawsayta qonqa.

Romanos 3:31

Chaynaqa, iñispallanchik salvakuspaqa, ¿mana valeqpaqñachu leyta hapichwan? ¡Manapunim! Aswanqa valorninta reqsispam allinpaq hapinchik.

Romanos 6:6

Kaytapas yachanchikmi: Ñawpaq vidanchikqa Cristowan kuskam chakatasqa karqa, huchallikuq sonqonchik tuñichisqa kananpaq, chaynapi hucha manaña munaychakuwananchikpaq.

1~Corintios 15:26

Qepallaña chinkachinapaq kaq enemigoqa wañuymi.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 5:4

Kay wasillanchik-piraq otaq cuerpollanchikpiraq kawsas-paqa ancha llakisqam kachkanchik, ichaqa pachanchik llatanarachikuytaqa manachá munachwanchu, aswanqa pachapasqa kaytam munachwanqa, chaynapi wañuyta kawsay vencerunanpaq.

Gálatas 5:4

Wakiqnikichikmi ninkichik: Leyta kasukuptillanchikmi mana huchayuqpaqña Dios chaskiwasun, nispaykichik. Chaynata nispaykichikmi Jesucris-tomantawan Diospa kuyakuyninmanta karunchakurunkichik.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 1:9

Paymi munasqanman hina ñawpaqmantaraq pakasqa kaqkunata Cristontakama imam ruway munasqanta reqsichiwarqanchik.

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

2~Timoteo 1:1

Ñoqa Pablom Diospa munasqanman hina Cristo Jesuspa apostolnin kani. Imaynam Cristo Jesuspi kawsay chaskisqanchikman hina.

2~Timoteo 1:8

Chaynaqa, amayá penqakuychu Señorninchikmanta willakuytaqa nitaq payrayku preso kasqaymantapas, aswanqa Jesucristomanta allin noticiarayku ñoqa hina ñakariy Diospa kallpa qosusqaykiman hina.

2~Timoteo 4:1

Munaychakuq hamuspan wañuqku-natapas kawsaqkunatapas juzgaq Señor Jesucristopa hinaspa Dios Taytapa qayllanpim kamachiki:

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Tito 2:11

Diosmi kuyakuyninta qawachi-warqanchik llapallan runakuna salvasqa kanankupaq.

Tito 2:13

Chaynataqa kawsananchik ancha munayniyuq Dios salvaqninchik Jesucristopa sumaqllaña kancharichkaq kutimunanta kusikuywan hinaspa confianzawan suyaspanchikmi.

Tito 3:4

Aswanqa salvaqninchik Diosmi sumaq sonqo kaynintawan kuyakuyninta runakunaman reqsichiwarqanchik.

Hebreos 10:32

Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

2~Pedro 1:11

Chaynapim Diosninchikqa hatun kuyakuywan chaskisunkichik Salvakuq Señorninchik Jesucristopa wiña-wiñaypaq munaychakuyninpi.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

2~Pedro 2:20

Salvaqninchik Señor Jesucristota reqsichkaspa kay pachapa qanra kay-ninkunamanta wanakuchkaspa kasqallan wichiqqa hinaspa chaykunawan vencechikuq runaqa, ñawpaq kasqanmantapas aswanraqmi rikurirun.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

2~Pedro 3:2

Profetakunapa nisusqaykichikta hinaspa salvaqninchik Señorpa kamachikuyninmanta apostolkunapa yachachisusqaykichiktayá yuyariychik.

1~Juan 1:2

Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

1~Juan 4:14

Ñoqaykum rikurqaniku hinaspam willakuniku, Dios Taytam Churinta kachamurqa runakunata salvananpaq.

Apocalipsis 18:1

Chaykunapa qepantam rikurqani hanaq pachamanta huk ángel hatun atiyninwan uraykamuchkaqta, achkiyninmi kay pachata kancharirqa.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 20:14

Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.