2~Samuel 9:3 - CHUYA QELLQA La Biblia en Quechua de Ayacucho 2012

³ Hinaptinmi rey David tapurqa: ¿Pillapas Saulpa ayllunmanta kachkanraqchu Diospa kuyakuyninwan yanapaykunaypaq? nispa. Chaymi Siba nirqa: Kachkanraqmi Jonatanpa churin, payqa iskaynin chakinmanta suchuyasqam kallan, nispa.

Quechua Ayacucho Bible 1987

³ Hinaptinmi rey tapurqa: —¿Saulpa castanmanta kachkanraqchu pipas Diosrayku favorecenaypaq? —nispa. Chaymi Siba nirqa: —Kachkanraqmi Jonatanpa churin, payqa iskay chakin suchuyasqam kallan —nispa.

Chuya Qellqa 1992

³ Hinaptinmi rey David tapurqa: ¿Pillapas Saulpa ayllunmanta kachkanraqchu Diospa kuyakuyninwan yanapaykunaypaq? nispa. Chaymi Siba nirqa: Kachkanraqmi Jonatanpa churin, payqa iskaynin chakinmanta suchuyasqam kallan, nispa.

2~Samuel 9:3 Iomraidhean Croise

2~Samuel 19:26

Chaymi Mefi-boset nirqa: Reynilláy, serviqniymi engañaruwarqa. Kay serviqnikiqa wistu kasqayrayku nirqani: “Asnota caronaykapuway sillakuykuspay reywan rinaypaq” nispa.

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

2~Samuel 4:4

Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

2~Samuel 9:13

Mefi-bosetmi ichaqa reywan kuska mikuspa Jerusalén llaqtapi yacharqa. Payqa iskaynin chakinmanta suchuyasqam karqa.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

Lucas 6:36

Qamkunapas Dios Taytanchik hina kuyapayakuqyá kaychik.

Deuteronomio 10:15

Chaywanpas Tayta Diosqa kuyaspam ñawpaq taytaykichikkunataqa akllarqa, chaymantam kunan qawasqaykichikpi hinapas paykunapa mirayninkunata akllasurqankichik, wakin nacionkunatam ichaqa mana akllarqachu.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.