2~Samuel 9:13 - CHUYA QELLQA La Biblia en Quechua de Ayacucho 2012

¹³ Mefi-bosetmi ichaqa reywan kuska mikuspa Jerusalén llaqtapi yacharqa. Payqa iskaynin chakinmanta suchuyasqam karqa.

Quechua Ayacucho Bible 1987

¹³ Mefi-bosetmi ichaqa yacharqa Jerusalen llaqtapi reywan kuska mikusqanrayku. Payqariki karqa iskaynin chakin suchuyasqam.

Chuya Qellqa 1992

¹³ Mefi-bosetmi ichaqa reywan kuska mikuspa Jerusalén llaqtapi yacharqa. Payqa iskaynin chakinmanta suchuyasqam karqa.

2~Samuel 9:13 Iomraidhean Croise

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

2~Samuel 4:4

Saulpa churin Jonatanpam karqa mana puriy atiq churin Mefi-boset sutiyuq. Mefi-boset pichqa watayuq kachkaptinmi Jezreel llaqtamanta Saulpa hinaspa Jonatanpa wañukusqanku noticia chayaramurqa, hinaptinmi Mefi-bosetpa uywaqnin warmi qepirikuspa utqayman ayqechkaspan chay wawata pampaman kachaykurqa, chaymantapunim suchuña rikurirurqa.

2~Samuel 9:12

Mefi-bosetpam Micaía sutiyuq taksa churin karqa. Sibapa wasinpi llapallan yachaqkunam Mefi-bosetpa serviqninkuna karqaku.

2~Samuel 9:3

Hinaptinmi rey David tapurqa: ¿Pillapas Saulpa ayllunmanta kachkanraqchu Diospa kuyakuyninwan yanapaykunaypaq? nispa. Chaymi Siba nirqa: Kachkanraqmi Jonatanpa churin, payqa iskaynin chakinmanta suchuyasqam kallan, nispa.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

Jeremías 52:33

Carcelpi kasqan pachankunatapas mudarachirqam, chaynapim rey Joaquinqa wañukunan punchawkama Babiloniapa reyninwan kuska mikurqa.