2~Samuel 9:10 - CHUYA QELLQA La Biblia en Quechua de Ayacucho 2012

¹⁰ Qanmi churikikunapiwan hinaspa serviqnikikunapiwan allpanta llamkapunki, cosechanta hoqarispaykim patronnikipa ayllunkuna mikunankupaq waqaychanki. Patronnikipa willkan Mefi-bosetmi ichaqa ñoqawan kuska tukuy tiempo mikunqa, nispa. Sibapa churinkunam karqa chunka pichqayuq, serviqninkunañataqmi karqa iskay chunka.

Quechua Ayacucho Bible 1987

¹⁰ Qanmi llamkapunki chakrankunata churikikunawan hinaspa sirvientekikunawan, cosechankichikmá patronnikipa familiankuna mantienekunanpaq. Patronnikipa willkan Mefi-bosetmi ichaqa mikunqa ñoqawan kuska tukuy tiempo —nispa. Sibapa churinkunam karqa chunka pichqayoq, sirvientenkunañataqmi karqa iskay chunka.

Chuya Qellqa 1992

¹⁰ Qanmi churikikunapiwan hinaspa serviqnikikunapiwan allpanta llamkapunki, cosechanta hoqarispaykim patronnikipa ayllunkuna mikunankupaq waqaychanki. Patronnikipa willkan Mefi-bosetmi ichaqa ñoqawan kuska tukuy tiempo mikunqa, nispa. Sibapa churinkunam karqa chunka pichqayuq, serviqninkunañataqmi karqa iskay chunka.

2~Samuel 9:10 Iomraidhean Croise

2~Samuel 16:3

Hinaptinmi rey tapurqa: ¿Maypitaq patronnikipa willkanqa kachkan? nispa. Chaymi Siba nirqa: Jerusalenpim qeparamun, payqa tanteachkan abuelonpa munaychakusqan Israel nacionta kutichipunankutam, nispa.

2~Samuel 19:18

reypa ayllunta mayu pasayta yanapamunankupaq, chaynapi reypa yanapakuyninta haypanankupaq. Jordán mayuta rey chimpamunanpaq kachkaptinmi, Gerapa churin Simei reypa ñawpaqninpi pampaman kumuykuspan

2~Samuel 19:28

Taytaypa llapallan ayllunkuna qampa qayllaykipi wañunaykupaq kachkaptiykupas, qanmi kay serviqnikita qanwan kuska mikunaypaq convidawarqanki. Chaynaqa, reynilláy, ¿imataraqtaq masta reclamaykiman? nispa.

2~Samuel 21:7

Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

2~Samuel 9:7

Chaymi David nirqa: Ama manchakuychu. Ñoqam taytayki Jonatanrayku yanapaspay abueloyki Saulpa llapa allpanta kutichipusqayki, qamñataqmi ñoqawan kuska tukuy tiempo mikunki, nispa.

1~Reyes 2:7

Galaad lawmanta kaq Barzilaipa mirayninkunatam ichaqa kuyapayarinki, paykunaqa palacioykipim qanwan kuska mikunqaku, wawqeki Absalonmanta lluptiptiymi paykunaqa yanapaykuwarqaku.

2~Reyes 25:29

Carcelpi kasqan pachankunatapas mudarachiptinmi rey Joaquinqa wañukunan punchawkama Babiloniapa reynin Evil-merodacwan kuska mikurqa.

Jeremías 52:34

Babilonia nacionpa reyninqa, sapa punchawmi rey Joaquinman wañukunan punchawkama mikuchirqa.

Lucas 14:15

Chayta uyariruspanmi, Jesuswan kuska mesapi tiyaqkunamanta huknin nirqa: Mayna kusisqam Diospa munaychakuyninpi mikuqkunaqa, nispa.