2~Samuel 8:6 - CHUYA QELLQA La Biblia en Quechua de Ayacucho 2012

⁶ Hinaspam rey Davidqa tropankunata churarurqa Damasco law Siria nacionpi, chaymi Siria nacionniyuq runakunaqa Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

Quechua Ayacucho Bible 1987

⁶ Davidmi soldadonkunapaq cuartelkunata churarurqa Aram nacion Damasco llaqtapi chaymi Aram nacionniyoq runakunaqa Davidta servispanku pagarqaku impuestota. Tayta Diosmi Davidta mayman peleaq riptinpas vencechirqa.

Chuya Qellqa 1992

⁶ Hinaspam rey David tropankunata churarurqa Damasco law Siria nacionpi, chaymi Siria nacionniyuq runakuna Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

2~Samuel 8:6 Iomraidhean Croise

2~Samuel 10:19

Hadad-ezerpa yanapaqnin reykunam Israel tropakunapa vencerusqanta qawakuykuspanku Israel nacionwan hawkayayman yaykurqaku, hinaspam paykunataña servirqaku. Chaymantapunim Siria runakunaqa Amonpa mirayninkuna yanapayta manchakururqaku.

2~Samuel 23:14

Davidmi pakakusqan sitiopi tarikurqa. Chay tiempopim Filistea tropakunapa cuartelnin kachkarqa Belén llaqtapi.

2~Samuel 3:18

Chaynaqa, kunanyá reynikichikpaq churaychik. Tayta Diosmi Davidman prometespan nirqa: “Serviqniy Davidwanmi filisteokunamanta chaynataq lliw enemigonkunamanta Israel runaykunata librasaq”, nispa.

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

2~Samuel 7:9

Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

2~Samuel 8:14

Chaymantam rey Davidqa soldadonkunata Edom nacionpi chu-rarurqa, chaynapim Edom runakunaqa Davidtaña servirqaku. David mayman peleaq riptinpas Tayta Diosmi vencechirqa.

2~Samuel 8:2

Moab tropakunatapas venceruspanmi pampaman siriykachispan cordelwan tupurqa; cordelwan iskay kuti tupusqapi kaqkunam wañuchisqa karqaku, cordelwan huk kuti tupusqapi kaqkunañataqmi kawsarqaku. Moab runakunapi David munaychakuptinmi impuestota pagarqaku.

2~Samuel 8:7

Hadad-ezerpa soldadonkunapa qorimanta escudokuna apamusqankuta David qechuruspanmi Jerusalén llaqtaman aparqa.

1~Reyes 4:21

Salomonmi munaychakurqa Eufrates mayumanta qallaykuspa Filistea nacionkama hinaspa Egipto nacionwan tupanakuqkama. Paykunam impuestota pagaspanku rey Salomonta wañukunankama servirqaku.

2~Reyes 1:1

Rey Acab wañukuptinmi llapa moabitakuna Israelpa contranpi hoqarikururqaku.

2~Reyes 14:28

Jeroboampa imaynam kawsasqanwan imakunam ruwasqankunapas, mana manchakuspan guerrapi peleasqankunapas chaynataq Judá nacionpa munaychakusqan Damasco llaqtata hinaspa Hamat llaqtata Israel nacionpaq imaynam kutichikusqanpas Israelpi reykunapa ruwasqanmanta willakuq libropim qellqasqa kachkan.

2~Reyes 18:7

Paywan Tayta Dios kasqanraykum tukuy ima ruwasqanpas allin lloqsirqa. Ezequiasmi Asiria nacionpa reyninpa contranpi hoqarikuruspan manaña payta servirqachu.

2~Reyes 3:4

Moab nacionpa reynin Mesam achka ovejakunata uywaq, chaymi Israel nacionpa reyninman impuestota pagaq pachak waranqa malta carnerokunatawan pachak waranqa millwantin carnerokunata.

1~Crónicas 18:13

Chaymantam rey Davidqa soldadonkunata Edom nacionpi churarurqa, chaynapim Edom runakunaqa Davidtaña servirqaku. Tayta Diosmi Davidta mayman peleaq riptinpas vencechirqa.

2~Crónicas 17:2

Judá nacionpi kaq murallasqa llaqtakunapim tropakunata churarurqa, churarqataqmi lliw Judá allpapiwan taytan Asapa hapikuykusqan Efraín law llaqtakunapipas.

Proverbios 21:31

Guerraman rinapaqmi caballotaqa alistanku, ichaqa Diosllam vencechiqqa.

1~Samuel 13:3

Jonatanmi Gabaa llaqtapi Filistea tropakunata vencerurqa, chaytam wakin filisteokunañataq yacharurqaku. Hinaptinmi Saulqa cornetakunata tocachirqa Israel nacionpi, “Hebreo runakuna uyarichunku”, nispan.

1~Samuel 14:1

Huk punchawmi Saulpa churin Jonatán arman apaqta nirqa: Haku chimparusunchik waklaw chim-papi tarikuq Filistea tropakunapa kasqanman, nispa. Ichaqa manam taytanman willarqachu.

1~Samuel 14:15

Chaymi Filistea tropakunaman, campamentopi kaqkunaman, chakrapi kaqkunapas chaynataq wateqaq soldadokunamanpas llumpay manchakuy yaykururqa; chay punchawmi temblorpas pasarqa, hinaptinmi llapa runakuna llumpayta mancharikurqaku.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.