2~Samuel 8:18 - CHUYA QELLQA La Biblia en Quechua de Ayacucho 2012

¹⁸ Joiadapa churin Benaiam Ceret ayllumantawan Pelet ayllumanta kaq soldadokunata kamachirqa. Davidpa churinkunañataqmi sacerdotekuna karqaku.

Quechua Ayacucho Bible 1987

¹⁸ Joiadapa churin Benaiam kamachirqa Ceret castamantawan Pelet castamanta kaq rey waqaychaq soldadokunata. Davidpa churinkunañataqmi karqa consejaqninkuna.

Chuya Qellqa 1992

¹⁸ Joiadapa churin Benaiam Ceret ayllumantawan Pelet ayllumanta kaq soldadokunata kamachirqa. Davidpa churinkunañataqmi sacerdotekuna karqaku.

2~Samuel 8:18 Iomraidhean Croise

2~Samuel 15:18

Llapallan serviqninkunam paywan rirqaku, reyta waqaychaq Ceret chaynataq Pelet casta soldadokunapas Gat llaqtamanta chakiwan qatimuq soqta pachak soldadokunawan kuskam ñawpaqninta rirqaku.

2~Samuel 20:23

Chaynapim Joabqa lliw Israel tropakunapa kamachiqnin qeparqa. Joiadapa churin Benaiasñataqmi karqa rey waqaychaq cereteokunapa hinaspa peleteokunapa kamachiqnin.

2~Samuel 20:26

Jair llaqtayuq Irañataqmi karqa Davidpa sacerdoten.

2~Samuel 20:7

Chaymi Joabpa soldadonkuna, reyta waqaychaq Ceret castakuna, Pelet castakuna hinaspa lliw allinnin qari-qari soldadokunapiwan Jerusalén llaqtamanta Abisaiwan lloqsispa Bicripa churin Sebata qatirqaku.

1~Reyes 1:38

Hinaptinmi Sacerdote Sadoc, profeta Natán, Joiadapa churin Benaía, rey waqaychaq cereteo soldadokuna, peleteos soldadokuna, Salomonta rey Davidpa mulanpi sillaykachispa Gihón lawman pusarqaku.

1~Reyes 1:44

Hinaspanmi sacerdote Sadocta, profeta Natanta, Joiadapa churin Benaiata, cereteo soldadokunata chaynallataq peleteo soldadokunatapas, kamarachin Salomonwan rinankupaq, paykunañataqmi rey Davidpa mulanpi sillarachinku.

1~Reyes 1:8

Sacerdote Sadocwan, Joiadapa churin Benaía, profeta Natán, Simei, Rei hinaspa rey Davidpa allinnin qari-qari soldadonkunam ichaqa mana Adoniaswanchu karqaku.

1~Reyes 2:25

Hinaspam Joiadapa churin Benaiata kachaptin Adoniasta wañurachimurqa.

1~Reyes 4:4

Tropakunapa kamachiqmi karqa Joiadapa churin Benaía. Sadocwan Abiatarñataqmi sacerdotekuna karqaku.

1~Reyes 4:5

Gobernadorkunapa kamachiqninmi karqa Natanpa churin Azarías. Natanpa churin sacerdote Zabudñataqmi reypa consejaqnin karqa.

2~Reyes 11:4

Qanchis watamanñataqmi sacerdote Joiada qayachimurqa capitankunata, reina waqaychaq soldadokunata, guardiakunapa kamachiqninkunata, hinaspam Tayta Diospa templonman pusaykurqa. Chaypim paykunawan contratota ruwaspan jurachirqa, hinaspam reypa churinta paykunaman reqsichispan,

1~Crónicas 11:22

Cabseel llaqtayuq Joiadapa churin Benaiam allinnin qari-qari runa kaspan hatun ruwaykunata ruwarqa. Paymi Moab nacionniyuq Arielpa iskay allinnin qari-qari churinkunata wañurachirqa. Huk punchawmi ritimuchkaptin uchkuman yaykuruspan huk leonta wañurachirqa.

1~Crónicas 18:17

Joiadapa churin Benaiam kamachirqa Ceret ayllumantawan Pelet ayllumanta kaq reyta waqaychaq soldadokunata. Davidpa churinkunañataqmi karqaku ñawpaqninpi yanapaqninkuna.

Ezequiel 25:16

Chayraykum ñoqa Tayta Dios kaynata nini: Atiy-niywanmi filisteokunata castigasaq, Ceret runakunatapas tukuruspaymi lamar qochapa patanpi puchuq runakunatapas llapallanta chinkarachisaq.

Sofonías 2:5

Lamar qochapa patanpi yachaqkuna, Creta llaqtapi yachaqkuna, ¡imallapiraq rikukunkichik! Qamkunapa contraykichikpim Tayta Dios kaynata rimarin: “Filisteokunapa yachanan Canaán llaqta, manaña runayuq kanaykikamam purmachisqayki”, nispa.

1~Samuel 30:14

Ñoqaykum rirqaniku Neguev lawpi Ceret casta runakunapa, Judá casta runakunapa chaynataq Caleb casta runakunapa tukuy imanta suwamunaykupaq, kañaykamurqanikutaqmi Siclag llaqtatapas, nispa.