2~Samuel 7:9 - CHUYA QELLQA La Biblia en Quechua de Ayacucho 2012

⁹ Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

Quechua Ayacucho Bible 1987

⁹ Lliw purisqaykipi yanapaspaymi llapallan qanwan peleaq enemigoykikunatapas tukururqani, kay pachapi atiyniyoqkunata hinam reqsisqata rurarqayki.

Chuya Qellqa 1992

⁹ Lliw purisqaykipi yanapaspaymi llapallan contraykipi hatarimuq enemigoykikunatapas tukururqani, kay pachapi atiyniyuqkunata hinam ancha reqsisqata ruwasqayki.

2~Samuel 7:9 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

2~Samuel 22:1

Enemigonkunamantawan Saulmanta Tayta Dios libraykuptinmi kay takita Diospaq David takirqa,

2~Samuel 22:30

Qanwanqa nana-nanaq tropakunatam cheqechisaq, qanwanqa hatu-hatun perqakunatam tuñichisaq.

2~Samuel 22:43

Ñutu allpata hinam ruwarurqani, ñanpi mituta hinam llinqaparurqani.

2~Samuel 23:1

Davidpa wañukunallanpaqña kachkaspa rimarisqankunam kaykuna. Isaipa churin Davidmi, Tayta Diospa hatunchasqan runam, Jacobpa Diosninpa akllakusqan reymi, Israel nacionpi miskillataña takiqmi nirqa:

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

2~Samuel 8:13

Siria tropakunata vencerusqanmanta kutimuchkaspanmi, chunka pusaqniyuq waranqa Edom nacionpa tropakunata kachi wayqopi vencerurqa. Chaynapim rey Davidqa ancha reqsisqa rikurirurqa

2~Samuel 8:14

Chaymantam rey Davidqa soldadonkunata Edom nacionpi chu-rarurqa, chaynapim Edom runakunaqa Davidtaña servirqaku. David mayman peleaq riptinpas Tayta Diosmi vencechirqa.

2~Samuel 8:6

Hinaspam rey Davidqa tropankunata churarurqa Damasco law Siria nacionpi, chaymi Siria nacionniyuq runakunaqa Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

1~Crónicas 17:8

Maypiña puriptikipas qanwanmi karqani, enemigoykikunatapas qayllaykimantam tukururqani. Kay pachapi atiyniyuqkunata hinam ancha reqsisqata ruwasqayki.

Lucas 1:52

Munaychakuqkunatam trononkumanta wichichin, uchuychakuqkunatam hatunchan.

Josué 6:27

Tayta Dios yanapasqanraykum Josueyqa tukuy hinastinpi ancha reqsisqa karqa.

1~Samuel 18:14

Tayta Dios yanapaptinmi Davidqa tukuy imata allinta ruwaq.

1~Samuel 18:30

Filistea tropa kamachiqkuna sapa kuti peleaq lloqsimuptinkum David vencerariq Saulpa llapallan soldadonkunamantapas aswan mastaraq, chaynapim Davidqa ancha reqsisqa rikurirurqa.

1~Samuel 2:8

Diosllam wakchatapas hatarichin, payllam millay lugarmanta usuqkunatapas sayarichin, allin reqsisqa runakunawanmi tiyaykachin. Tayta Diosmi kay pachata takyachin.

1~Samuel 31:6

Chay punchawllapim Saulqa kimsan churinkunapiwan, arman apaq soldadowan chaynataq llapallan runankunapiwan wañururqaku.

1~Samuel 5:10

Chaymi filisteokunaqa Diospa Arcanta aparachirqaku Ecrón llaqtamanña, ichaqa chayaruptinkum Ecrón runakuna qaparirqaku kaynata: ¡Israel runakunapa Diosninpa Arcantam aparamuwanchik llaqtantinta wañurachiwananchikpaq! nispanku.