2~Samuel 7:24 - CHUYA QELLQA La Biblia en Quechua de Ayacucho 2012

²⁴ Qanmi Israelta wiñaypaq llaqtayki kananpaq takyachirqanki, qanmi paykunapa Diosnin kanki.

Quechua Ayacucho Bible 1987

²⁴ Qanmi Israel casta runaykikunata wiñaypaq takyaykachinki hinaspam paykunapa Diosnin karunki.

Chuya Qellqa 1992

²⁴ Qanmi Israelta wiñaypaq llaqtayki kananpaq takyachirqanki, qanmi paykunapa Diosnin kanki.

2~Samuel 7:24 Iomraidhean Croise

Génesis 17:7

Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

2~Samuel 7:23

Israel llaqtayki hinaqa manam kay pachapi huk nacionqa kanchu. Diosnilláy, paykunataqa qanmi libramurqanki runaykikunaña kanankupaq, admirakuypaq kaqkunata ruwaspaykim paykunataqa ancha reqsisqata ruwarqanki. Egiptomanta hurqomuspaykim qayllankumanta achka nacionkunata chaynataq idolonkunatapas wischururqanki.

2~Samuel 7:25

Señorlláy, Dios Taytalláy, kunanyá kay serviqnikimantawan mirayninmanta rimasqaykita wiñaypaq takyachiy. Nisqaykiman hinayá ruway.

1~Crónicas 17:22

Qanmi Israelta wiñaypaq llaqtayki kananpaq takyachirqanki, Dios Taytalláy, qanmi Diosnin kanki.

Éxodo 15:2

Tayta Diosmi kallpanchaqniyqa, Tayta Diosmi salvawaqniyqa, chaymi payman takipusaq. Payqa ñoqapa Diosniymi, chayraykum yupaychasaq; payqa ñawpaq taytaykunapa Diosninmi, chayraykum hatunchasaq.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Isaías 12:2

Diosnilláy, qanmi kanki salvaqniyqa, qamllapim hapipakusaq, ñoqallayqa manañam manchakusaqchu, amparoypas takiypas qamllam kanki, qamllam salvaqniyqa kanki, nispa.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Juan 1:12

Haykam payta chaskispa iñiqninkunamanmi ichaqa atiyta qorqa Diospa churinña kanankupaq.

Deuteronomio 26:18

Israel llaqta, kunanmi Tayta Dios nisunkichik qamkunaqa llaq-tanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik.

Deuteronomio 27:9

Chaymantam Moisés, Leví ayllumanta sacerdotekunapiwan Israelpa mirayninkunata nirqa: Israelpa mirayninkuna, upallaspa kayta uyariychik, kunanqa Señornikichik Tayta Diospa llaqtanñam kankichik.

Deuteronomio 32:6

Mana yuyayniyuq mana yachayniyuq runakuna, ¿chaynatachu Tayta Diosman pagapunkichik? ¿Manachum payqa taytaykichik karqa? ¿Manachum payqa unanchasuqnikichik karqa? Paymi unanchaspa takyachisurqankichik.

1~Pedro 2:10

Ñawpaqtaqa manam llaqtanchu karqankichik, kunanmi ichaqa Diospa llaqtanña kankichik. Ñawpaqtaqa mana llakipayasqam karqankichik, kunanmi ichaqa Diospa llakipayasqanña kachkankichik.