2~Samuel 7:18 - CHUYA QELLQA La Biblia en Quechua de Ayacucho 2012

¹⁸ Hinaptinmi rey Davidqa Diospa qayllanman yaykuykuspan kaynata nirqa: Dios Taytalláy, ¿pitaq ñoqallayqa kani chaynataq aylluykunapas kaykama chayachimuwanaykipaqqa?

Quechua Ayacucho Bible 1987

¹⁸ Chaymi Tayta Diospa kasqanman Rey David yaykuykuspan ñawpaqninpi nirqa: —Señor Dioslláy ¿pitaq ñoqaqa kani? ¿Pitaq castaykunapas kunankama qam yanapawanaykipaqqa?

Chuya Qellqa 1992

¹⁸ Hinaptinmi rey Davidqa Diospa qayllanman yaykuykuspan kaynata nirqa: Dios Taytalláy ¿pitaq ñoqallayqa kani chaynataq aylluykunapas kaykama chayachimuwanaykipaqqa?

2~Samuel 7:18 Iomraidhean Croise

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Génesis 32:11

Wawqey Esaumanta libraykullaway, paytaqa manchakunim. Hamuruspachá warmi-kunata, wawakunata wañurachinqa.

2~Samuel 23:5

Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

2~Samuel 7:17

Chaymi profeta Natanqa visionninpi tukuy ima qawasqanta chaynataq uyarisqanta Davidman willaykurqa.

1~Crónicas 17:16

Chaymi Tayta Diospa qayllanman yaykuspan rey David nirqa: Dios Taytalláy, ¿pitaq ñoqallayqa kani chaynataq aylluykunapas kaykama chayachimuwanaykipaqqa?

1~Crónicas 29:14

Ichaqa, ¿pitaq ñoqaqa karqani, pitaq llaqtaypas, chaynapi tukuy kaykunata qanman ofrecemunaykupaqqa? Tukuy imapas qamllapam, qanmanta chaskisqallaykutam qoykikupas.

Éxodo 3:11

Chaymi Diosta Moisés nirqa: ¿Pitaq ñoqaqa kani rey Faraonman rispay Egipto nacionmanta Israelpa mirayninkunata hurqomunaypaqqa? nispa.

Isaías 37:14

Rey Ezequiasmi cartata chaskiruspan leeykurqa, hinaspam Tayta Diospa templonman apaykuspa, Diospa qayllanpi kicharayachkaqta churaykuspan,

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Jueces 6:15

Hinaptinmi Gedeón nirqa: Señorlláy, ¿imawantaq Israelpa mirayninkunata librasaq? Manasés ayllu ukupiqa llapanmanta wakcham kaniku, aylluy ukupipas mana kaqpaq hapisqam kallani, nispa.

Rutwan Sutichasqa Libro 2:10

Chaymi Rutqa qonqoranpa kumuykuspan Boozta nirqa: ¿Imanasqataq forastera kachkaptiypas llakipayariykuwaspa yanapaykuwanki? nispa.

1~Samuel 15:17

Hinaptinmi Samuel nirqa: Mana valeqpaq kikikita qawakuchkaspapas qamqa kanki Israel ayllukunapa kamachiqninmi. ¿Manachu yacharqanki Diospuni Israel casta runakunapa reynin kanaykipaq sapaqchasusqaykita?

1~Samuel 18:18

Chaymi Davidñataq nirqa: Reynilláy, ¿pitaq ñoqaqa kani reypa masan kanaypaqqa? Aylluypas Israel ukupiqa manam ancha reqsisqachu, nispa.

1~Samuel 9:21

Chaymi Saúl nirqa: ¿Imanasqataq chaynata niwanki? ¿Manachum ñoqaqa kani Israelpi llapallan ayllukunamanta taksan kaq Benjamín castamanta? Hinaptinqa, ¿imanasqamá chaykunataqa niwanki? nispa.