2~Samuel 7:16 - CHUYA QELLQA La Biblia en Quechua de Ayacucho 2012

¹⁶ Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

Quechua Ayacucho Bible 1987

¹⁶ Castaykipas chaynataq gobiernoykipas wiñaypaqmi takyanqa. Castaykipa gobiernontapas wiñaypaqmi takyachisaq” nispa.

Chuya Qellqa 1992

¹⁶ Miraynikipas chaynataq munaychakuynikipas wiñaypaqmi takyanqa. Kamachikuynikipas wiñaypaqmi takyanqa”, nispa.

2~Samuel 7:16 Iomraidhean Croise

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

2~Samuel 22:51

Akllakusqayki reytam yanapaspa venceykachinki, Davidtawan mirayninkunatam wiñaypaq kuyapayaykunki, nispa.

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

2~Samuel 7:17

Chaymi profeta Natanqa visionninpi tukuy ima qawasqanta chaynataq uyarisqanta Davidman willaykurqa.

1~Reyes 2:4

Tayta Diosmi prometewasqanta cumplinqa, paymi kaynata niwarqa: “Sichum miraynikikuna ñoqamanta mana rakikuspa nisqaykunata tukuy sonqonwan hinaspa tukuy almanwan kasukuspa kawsaptinkuqa, manam faltanqachu qampa miraynikikunamanta Israel nacionpi munaychakuq”, nispa.

1~Reyes 9:5

taytayki Davidman nisqaypi hinam Israel nacionpi munaychakuynikita wiñaypaq takyachisaq. Paymanmi nirqani: “Manam faltanqachu miraynikikunamanta Israel nacionpi munaychakuq”, nispa.

2~Reyes 19:34

Ñoqam kay llaqtata waqaychaspay salvasaq, kikiyraykum chaynataqa ruwasaq, serviqniy Davidta kuyasqayraykum chaynata ruwasaq”, nispa.

2~Reyes 8:19

Chaywanpas serviqnin Davidraykum Tayta Diosqa Judá nacionta mana tukururqachu. Chaynataqa ruwarqa wiñaypaq rataq achkiyta hina Davidmanwan mirayninkunaman qonanpaq prometesqanraykum.

2~Crónicas 6:16

Chaynaqa, Israelpa yupaychasqan Dios Taytalláy, kunanyá serviqniki taytay Davidman prometesqaykita cumpliy, qanmi nirqanki: Ñoqapa ñawpaqniypiqa mana tukuytam qampa miraynikimanta Israel nacionpi munaychakunqa, ichaqa churikikunayá qampa kawsasqaykiman hina, kamachikuyniykunata kasukuspa kawsachunku, nispa.

Jobwan Sutichasqa Libro 36:7

Allin ruwaq runakunataqa nanachikunmi, reykunatapas munaychakuyninpim yanapan, ancha reqsisqatam ruwan.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 17:25

Chaynata ruwaptikichikqa, rey Davidpa mirayninmanta kamachikuqkunam carretakunapi chaynataq caballokunapi sillada kay llaqtapa punkunta yaykunqaku. Paykunaqa yaykunqa Judá nacionpa kamachiqninkunawan, Judá nacionpi yachaqkunawan hinaspa Jerusalenpi yachaqkunawan kuskam. Kay llaqtapiqa runakunam wiñaypaq yachanqaku.

Jeremías 33:17

Ñoqa Tayta Diosmi kaynata nini: Davidpa mirayninmanta Israelpi munaychakuqqa manam tukunqachu.

Ezequiel 37:25

Paykunaqa serviqniy Jacobman qosqay allpapiñam yachanqaku. Chaypim ñawpaq taytankupas yacharqaku, chaypitaqmi paykunapas, churinkunapas hinaspa mirayninkunapas wiñaypaq yachanqaku. Serviqniy Davidñataqmi wiñaypaq kamachiqninku kanqa.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Mateo 16:18

Chaymi ñoqapas niki, qamqa Pedrom kanki, kay rumipa hawanpim iglesiayta hatarichisaq, paytaqa wañuypa atiyninpas manam vencenqachu.

Juan 12:34

Runaku-nañataqmi nirqaku: Leypiqa uyarirqaniku: “Cristoqa wiñay-paqmi kawsanqa” niqtam. ¿Imaynataq qamqa ninki: “Runapa Churinqa cheqaptapunim chakatasqa wañunqa”, nispaykiqa? ¿Pitaq runapa Churinqa? nispanku.

Hebreos 1:8

Churinmantañataqmi kaynata nin: Diosnilláy, qamqa wiña-wiñaypaqmi munaychakunki, mana pimanpas sayapakuspam munaychakunki.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

1~Samuel 25:28

Ruegakuykitaqmi kay serviqllaykipa huchantapas pampachaykunaykipaq. Tayta Diosmi munaychakuq kaynikitapas takyachinqa chaynataq aylluykikunatapas. Qamqa Tayta Diospa rantinpim peleachkanki, chayraykum kawsanaykikamaqa ima mana allinpas mana pasasunkichu.